Қазақстан халқы Ассамблеясы

27 Қазан, 2022

469

Республика күніне арналған «DOSTYQ» кубогына әуесқойлар арасында футбол турнирі

Ағымдағы жылдың 23-24 қазанында Алматы қаласындағы «Алаш» стадионында Қазақстан ұйғырларының республикалық этномәдени орталығы ұйымдастыруымен Қазақстан Республикасының күніне арналған «DOSTYQ» кубогына әуесқойлар арасында футбол турнирі өтті.


Қазақстан халқы Ассамблеясының қолдауымен өткен турнирге Алматы қаласынан, сондай-ақ Алматы және Жетісу облыстарынан футбол командалары қатысты. Жеңімпаздарды Қазақстан ұйғырлары республикалық этномәдени орталығы Жоғары Кеңесінің төрағасы, ҚХА Кеңесінің мүшесі, РЭКЦУК жанындағы «Жигит Беши» кеңесінің төрағасы Долкунтай Абдулхалил, «Ұйғыр Авази» қоғамдық-саяси газетінің бас редакторы, РЭКЦУК төрағасының орынбасары, ҚХА мүшесі Ершат Асметов марапаттап, қатысушыларды Республика күнімен құттықтады.


Турнир қорытындысы бойынша 1 орынды Жүздібастау кентінен «Гремио» командасы, 2 орынды Гүлдала кентінен «Гүлдала» командасы, 3 орынды Панфилов ауданынан «Жаркент» командасы иеленді.


Жеке категориялар бойынша үміткерлер де анықталды. Мәселен, «Гремио» ФК ойыншысы Джубангалиев Әлібек үздік қақпашы атанды. Үздік қорғаушы – Евсеев Михаил («Жаркент» ФК), үздік шабуылшы -Қапжапаров Дияс («Гүлдала» ФК), үздік бомбардир – Хошназаров Ялкунжан («Гремио» ФК) болды.

Турнирдің өтуіне «Metall Prom Group» ЖШС қолдау көрсетті.

Кейін қарай