Астана қаласындағы Достық үйінде ҚР Мәдениет және ақпарат министрлігінің қолдауымен Қазақстан халқы Ассамблеясы Төрағасының орынбасары – Қазақстан Республикасы Президенті Әкімшілігі ҚХА Хатшылығының меңгерушісі Марат Әзілхановтыңтөрағалығымен Қазақстан халқы Ассамблеясының «Елдесу және татуласу» жобасы шеңберінде ҚХА Республикалық медиация кеңесінің кеңейтілген отырысы өтті.

Іс-шараға ҚР Парламенті Сенатының депутаттары, ҚР Президенті Әкімшілігінің ҚХА Хатшылығының өкілдері, ҚР Мәдениет және ақпарат министрлігі Этносаралық қатынастарды дамыту комитетінің басшылығы, Білім және ғылым, Ішкі істер министрліктерінің, Бас прокуратура, ҚР Ұлттық қауіпсіздік комитетінің, Қазақстан Республикасындағы Адам құқықтары жөніндегі уәкілөкілдері, сондай-ақ республикалық және өңірлік медиация кеңестерінің мүшелері, журналистер мен блогерлер қатысты.

Өз кіріспе сөзінде Марат Әзілханов Мемлекет басшысының ҚХА-ның ХХХІІІ сессиясында берген тапсырмасына сәйкес Алматы, Жамбыл және Түркістан облыстарында этномедиация саласындағы мамандардың тәжірибесі барлық өңірлердегі Ассамблеяның бүкіл ұйымдастырушылық шеңбері бойыншакеңейгенін атап өтті. Осылайша, ҚХА медиациясы аймақтық медиация кабинеттерінің қызметі аясында құқықтық көмек көрсетуден тікелей салалық бағытқа, атап айтқанда этномедиация институтын этносаралық саладағы жанжалдарды шешудің тиісті құралы ретінде дамытуға көшті.

Отырыс барысында ҚХА Республикалық медиация кеңесінің төрағасы, Ұлттық құрылтай мүшесі Шерзод Пулатов ҚХА Медиация кеңесі қызметінің перспективалары мен жаңа бағыттарымен таныстырды.

ҚХА Төрағасының орынбасары Лугмар Буларов Жамбыл облысы Қордай ауданындағы жанжалды шешудің тиімді шаралары туралы пікірімен бөлісіп, қақтығыстардың алдын алудың ең тексерілген және дұрыс жолы азаматтық борыш пен патриоттық сезімді басшылыққа ала отырып, азаматтық қоғам болып құқықтық салада өмір сүру, еліміздің барлық заңдарды орындау және талаптарды сақтау екенін атап өтті.

ҚР Мәдениет министрлігі Қолданбалы этносаяси зерттеулер институты Этномедиация орталығының басшысы Луиза Узарова этномедиация – этносаралық шиеленістің алдын алу шарасы екенін, оның тиімділігі жүйелі, күрделі және осы бағытта жүргізіліп жатқан жұмыстардың нәтижесі деп айқындады.

Сондай-ақ шарада Ұлттық қауіпсіздік комитетінің, Ішкі істер министрлігінің, Алматы облысының ішкі саясат басқармасының, Шығыс Қазақстан облыстық мәслихаты аппаратының және т.б. өкілдері сөз сөйледі.

Кейін қарай