Батыс Қазақстан облысы дін істері басқармасының және Батыс Қазақстан облыстық Қазақстан халқы Ассамблеясының ұйымдастыруымен Орал қаласының Достық үйінде мемлекеттік мекемелер, діни бірлестіктер, этномәдени орталықтар, үкіметтік емес ұйымдар және бұқаралық ақпарат құралдары өкілдерінің қатысуымен рухани келісім күніне арналған «Рухани келісім – халықтар бірлігіне бастар жол» тақырыбында мерекелік іс - шара өткізілді.

 Іс - шараның мақсаты –  мемлекеттік органдардың, діни бірлестіктердің және этномәдени орталықтардың өкілдерін Мемлекет басшысы Нұрсұлтан Назарбаевтың бес институттық реформасын жүзеге асыруға бағытталған «100 нақты қадам» Ұлт жоспарын, соның ішінде бес реформаның бірі – біртектілік пен бірлікті нығайтуда және «Рухани жаңғыру» бағдарламасын іске асыру мәселелері бойынша өзара бірлесіп әрекет етуге шақыру.

Жиналғандарды қала әкімі Мұрат Мұқаев құттықтап жиынды ашты. Қала әкімінің айтуы бойынша Орал өңірінде 75 діни бірлестіктер тіркелген үш әлемдік діннің тоғыз конфессиясынан тұратын: христиан, ислам, буддистер.

-  Біздер үшін ең маңызды мақсат – дамыған  көпұлтты мемлекет құру, ол үшін  этносаралық толеранттылықпен, адамгершілік принциптарын ұстануымыз қажет, - деді Мұрат Мұқаев.

Батыс Қазақстан облысы Қазақстан халқы Ассамблеясының жастар қанатының басшысы  Игорь Спиридонов: «Қазақстанның бастамасымен әлемдік және дәстүрлі діндер  лидерлерінің съезі қазіргі таңда – дінаралық  келісімнің бүкіл әлемге қажеттілігін дәлелдеп отыр»,  -  деді.

Рухани келісім күніне орай конфессияаралық футбол командалары арасында турнир өтіп, кітап көрмесі және діни әндер айтылды, жиын «Атамекен» әнімен жабылды. Ал Достық үйінің алдына шығып түрлі  конфессия, этнос өкілдерінің аспанға бейбітшіліктің символы   ақ көгершіндер және шарлар жіберіп суретке түскені өте әсерлі болды.

Дата события ассамблеи: 19.10.2017

Кейін қарай