Қазақстан халқы Ассамблеясы

04 Мамыр, 2020

156

Сабри Асанов: 1 мамыр - ұлттар мен ұлыстардың ынтымағын ұйыстыратын күн

1 мамыр – Қазақстан халқы бірлігі күні – көктем мен еңбектің, татулық пен ынтымақтың, келісім мен бірліктің шынайы мерекесі. Бұл – елімізде өмір сүріп жатқан барлық ұлттар мен ұлыстардың достығын паш етіп, ынтымағын ұйыстыратын, халқымыздың Ұлы Отанға деген мәңгілік сүйіспеншілігін ұлықтай түсетін күн.


Ел егемендігін алғалы бері бір шаңырақтың астына біріккен барша отандастарымыз Қазақстанның өсіп-өркендеуі мен гүлденуіне қажырлы еңбектерімен және азаматтық белсенділігімен талмай үлес қосып келеді. Осынау ұлттық игілігімізге айналған азаматтық татулық пен этносаралық келісімді сақтау – жалпыұлттық міндет болып қала бермек.

Бүгінде еліміздегі әр ұлт пен ұлысқа өз салт-дәстүрлерін, мәдениетін, тілі мен дінін сақтап, олардың көзқарастары мен болмыстарын құрметтей отырып, нығайтуға барлық жағдай жасалған. Мұның барлығы да тағдыры ортақ, Отаны бір халқымыздың келешегі, ұрпағымыздың болашағының жарқын кепілі.

Бірлік мерекесі құтты болсын! Баршаңыздың отбасыларыңызға ырыс пен ынтымақ, бақыт пен береке, қуаныш пен шаттық тілеймін! Тәуелсіз еліміздің мәртебесі биік болып, мерейі өсе берсін! Елдігіміз еңселі, мемлекеттігіміз мәңгі болсын!

Сабри Асанов,

Жамбыл облысының «Барбанг»

күрділер этномәдени орталығының мүшесі

Кейін қарай