Қостанай облыстық Достық үйінде ОҚХА этномәдени бірлестіктердің «Нұр Отан» партиясын қолдаған жиналысы болып өтті.

Жиналыс еліміздегі маңызды оқиғаларының бірі Алғыс айту күні қарсаңында өткізілді. – Мемлекет Басшысы  жариялаған мереке – бұл күрделі заманды иық тіресе бірге еңсеріп, Тәуелсіз Қазақстанды құру жолында аянбай тер төккен еліміздің барлық азаматтарының бір-біріне құрмет білдіретін күні. Өңірде, оның ішінде Қостанай облысы әкімдігінің «Қоғамдық келісім» КММ-де  Алғыс айту күні мен Қазақстан Тәуелсіздігінің 25 жылдығына арналған көптеген іс-шара өтетін болады, - деп атап айтты облыстық Қазақстан халқы Ассамблеясы хатшылығының бас инспекторы Болат Ибраев.

Сонымен қатар наурыздың ортасы ҚР Парламенті Мәжілісіне, сондай-ақ барлық деңгейдегі мәслихаттарға кезектен тыс сайлау өтетіндігімен ерекшеленеді. 

Өз сөзінде «Шарқ» тәжік-өзбек қоғамының төрағасы Эргашвой Холметов «Нұр Отан» партиясы қатарында 10 жылдан астам екендігін атап өтті. – Бүгінгі күні Қазақстанның саяси алаңында алты партия жұмыс атқарады және әрқайсысы қазақстандықтардың өмірін жақсартуға, дәулетін көтеруге, басты құндылықтар болып саналатын еліміздегі бейбітшілік пен келісімді дамыту үшін өз үлесін қосуда. Барлығыңызды 20 наурызда сайлауға барып кандидаттардың біріне дауыстарыңызды беруге шақырамын. Азаматтық белсенділігімізді танытайық, ағайын! Бәріміз де, бір үлкен, тату отбасы болған Қазақстанның көп үлтты, көп тілді халқы мемлекеттер арасында беделін арттырып, күшті болуын қалаймыз! 

Қостанай облысы әкімдігінің «Қоғамдық келісім» КММ баспасөз қызметі

Кейін қарай