Қазақстан халқы Ассамблеясы

07 Ақпан, 2020

828

Семейде «Тұңғыш Президент Жолымен» халық экспедициясының» шеңберінде шаралар өтті

Семей қаласының Достық үйінде «Тұңғыш Президент Жолымен» халық экспедициясының» республикалық акциясы басталды.


Оған ардагерлер мен жастар, Елбасымен кездескен қаланың танымал тұрғындары, ядролық полигонның жабылуының бастауында тұрған және бүгінде еліміздің әлеуметтік-экономикалық дамуына үлес қосып келе жетқан азаматтар қатысты.


Қонақтарды фойеде «Ильгам» баянистер халық ансамблі қарсы алды. Акция қатысушыларының назарына Елбасы өмірі мен қызметі туралы бейнефильм ұсынылды.


Қазақстан халқы Ассамблеясының мүшесі, «Қазақ тілі» халықаралық қоғамы филиалының вице-президенті О. Шәріпбаев, Қазақстан Республикасының Еңбек сіңірген қайраткері, Шығыс Қазақстан мемлекеттік музыкалық-драма театрының директоры Я. Горельников, Семей қаласы әкімі аппаратының ардагерлер кеңесінің төрағасы, антиядролық қозғалыстың қатысушысы Р. Капарова, Семей қаласының перинаталдық орталығының неонатолог дәрігері В. Соколова, «Шығыс Қазақстан облыстық Татар қоғамдық орталығы» ҚБ төрайымы, Татарстан Республикасының еңбек сіңірген өнер қайраткері, балет мектебінің директоры К. Исмаилова өз ой-пікірлерімен бөлісті.


Орталық қалалық кітапхананың қызметкерлері Ж. Әбілмәжінова мен Ш. Абеу халықты Елбасының авторлық кітаптарымен таныстырды.


Акция республикалық және халықаралық конкурстар мен фестивальдердің лауреаттары – «Әлем балалары» және «Күнеле балачак» балалар ансамбльдері, «Иртыш моннары» халық ән және би ансамблі мен гарнизондық Офицерлер үйінің әртістерінің қатысуымен өткен концертпен аяқталды.

Кейін қарай