Бүгін ҚР Парламенті Сенатының қабырғасында Сенат спикері Мәулен Әшімбаев Ассамблея атынан жаңадан тағайындалған депутаттармен, сарапшылармен және ҚХА мүшелерімен кездесті.

Жиын барысында сенаторлар және ҚХА өкілдері алдағы бірлескен жұмыстың негізгі бағыттарын талқылады.

Мемлекет басшысының бастамасымен Қазақстанда жүргізіліп жатқан жаңа саяси реформалар аясында Сенатта алғаш рет Қазақстан халқы Ассамблеясының квотасы ұсынылды.

Өз сөзінде Марат Әзілханов ҚХА қызметін одан әрі жаңғырту аясында елдегі қоғамдық келісім мен этносаралық диалогты нығайтуда Парламент Сенаты жұмысының маңыздылығын атап өтті.

Сенат Төрағасының айтуынша, Палатаның жаңа рөлін ескере отырып, Қазақстан халқы Ассамблеясымен өзара жұмыстың тиімді тетіктерін айқындап алу аса маңызды.

Сондай-ақ түрлі тәжірибелік іс-шараларды Ассамблеяның алдында тұрған міндеттерді назарға ала отырып ұйымдастыру керектігі де өзекті мәселелердің бірі екендігі айтылды.

Атап өтсек, ҚХА сенаторлары заң шығару жұмысына белсенді кірісіп, Палата отырыстарында маңызды мәселелерді жан-жақты көтеруде.

Сонымен қатар, жиын барысында Ассамблея атынан өкілдік ететін сенаторлар да сөз сөйлеп, қоғамда бірлік пен келісімді қамтамасыз ету мәселелері бойынша жан-жақты пікір алмасты.

Кейін қарай