Қазақстанның Тұңғыш Президенті – Елбасы, ҚХА Төрағасы Нұрсұлтан Назарбаевтың төрағалығымен «Бірліктің, татулық пен келісімнің 30 жылы» тақырыбында өткен сессия жұмысына Атырау облысынан ҚХА мүшелері мен өкілдері онлайн форматта ВКС жүйесімен қосылды.

Барлығы 550-ден астам адам қатысқан сессия жұмысында Елбасы Ассамблеяның алдына қоғамдық келісім мен ұлттық бірлікті одан әрі нығайту бойынша нақты міндеттер қойды.

ҚР Тәуелсіздігінің 30 жылдығымен қатар, жалпыхалықтық институтқа айналған Ассамблеяның қызметін, бүгінгі күнге дейін жеткен жетістігін саралаған сессия жұмысының соңында Елбасы ҚХА Төрағасы лауазымын Мемлекет басшысы Қасым-Жомарт Тоқаевқа тапсырды.

Сессия жұмысы бойынша өзіндік ой-пікірін білдірген облыс әкімі Махамбет Досмұхамбетов Тәуелсіздіктің алғашқы жылдарында құрылған қауымдастықтың бүгінде үлкен алып күшке айналғанын, сессия жұмысы – рухани тұтастық пен қоғамдық келісімді нығайтудағы Ассамблеяның ролін, оның қызметінің маңызы мен мәнін жаңа сапалық деңгейге көтергенін ерекше атап өтті.

Сондай-ақ, шара соңында Қазақстан Республикасының ел бірлігін нығайту, бейбітшілік пен келісімді сақтау және рухани мәдениетті дамытуға қосқан үлесі үшін «Қазақстан Конституциясына - 25 жыл» мерекелік медалімен «Иверия» грузин этномәдени бірлестігінің жетекшісі Зураб Бобохидзе және “Қазақстан халқы Ассамблеясына - 25 жыл” медалімен Атырау облысы ҚХА-ның құрметті ардагері Александр Думлер марапатталды.

Кейін қарай