Қазақстан халқы Ассамблеясы

08 Маусым, 2021

41

ШҚО-да ҚХА еріктілері өрт сөндірушілермен кездесті

Шығыс Қазақстан облысының жастар ресурстық орталығы ШҚО Төтенше жағдайлар департаментінің өрт сөндірушілерімен «Бүгіннің батырлары» атты кездесу өткізді.

Кездесуге келген өрт сөндірушілер Риддер қаласының Лесхоз ауылында болған тілсіз жауды ауыздықтауға күш салған еді. Шара жастармен диалог алаңы форматында өтті. Қатысушылар арасында Қазақстан халқы Ассамблеясының еріктілері де болды.

Кездесудің мақсаты - саналы жастарды патриоттық рухқа тәрбиелеу, өз еліне адал қызмет етуге шақыру, жастар арасында батылдық пен батырлықты насихаттау.

Риддерде болған өртті оқшаулауға үлкен үлес қосқан өрт сөндірушілер балаларға оқиға орнында қалай әрекет еткендері туралы айтып берді. Біздің заманымыздың қаһармандары жас ұрпақ өкілдеріне олардың еңбек жолы туралы баяндады. Сондай-ақ, өрт шыққан жағдайдағы іс-қимыл алгоритмі және өрт қауіпсіздігі шаралары туралы айтылды.

Кейін қарай