Осы аптаның басынан бастап екі күн бойы Орынбор қаласындағы Н.К.Крупская атыңдағы облыстық әмбебап-ғылыми кітапханада Ресей-Қазақстан шекаралас  аймақтарының мәдени аралық қарым-қатынастары мәселелері жөніндегі бірінші Еуразиялық симпозиум өтті.

Осы аптаның басынан бастап екі күн бойы Орынбор қаласындағы Н.К.Крупская атыңдағы облыстық әмбебап-ғылыми кітапханада Ресей-Қазақстан шекаралас  аймақтарының мәдени аралық қарым-қатынастары мәселелері жөніндегі бірінші Еуразиялық симпозиум өтті.

Орынбор облысы халықтары ассамблеясының президенті, Оңтүстік Орал тарих және этнография ғылыми-зерттеу институтының директоры, тарих ғылымдарының докторы Веналий Амелин симпозиумды қысқаша сөз сөйлеп ашты.

Орынбор облысы делегациясы атынан вице-губернатор Дмитрий Кулагин,  Ақтөбе облысы Қазақстан халқы Ассамблеясы секретариатының меңгерушісі Жолдас Нұршин құттықтады.

Симпозиумның алғашқы сессиясында Орынбор қазақтары қауымдастығының басшысы, Орынбор облысы халықтары  ассамблеясы кеңесінің мүшесі Жәнібек Иткөзов ұлттық қоғамдық бірлестіктердің ынтымақтастығы, этностар мәдениеті мен ана тілдерін сақтаудағы жұмыстары туралы әңгімеледі.

Симпозиумға Ақтөбенің Қ.Жұбанов атындағы өңірлік мемлекеттік университетінің бір топ ғалымдары қатысты. Басқосу барысында аталған жоғары оқу орнының әлеуметтік-саяси пәндер кафедрасының аға оқытушылары, философия ғылымдарының кандидаттары Есбол Мұханбетқалиев, Дмитрий Мацюк Орынбор, Ақтөбе мысалында  этностық құндылықтар  хақында сөз өрбітті.

Симпозиумның екінші сессиясында орынборлық оқымыстылармен бірге, ақтөбелік ғалымдар Гүлжан Өтелбаева, Виктория Исламғалиева, Жібек Бегімбаева, Балжан Дәулетярова, Айнұр Болысбаева ежелгі көршілік қарым-қатынастар, тіл мен дәстүрлердің дамуы туралы өз ойлары мен пайымдауларын ұсынды.

Симпозиум соңында оған қатысушылар еркін пікір алысты.

Аманқос Орынғалиұлы

«Ақтөбе» газеті 26  маусым 2015 жыл №80-81

Кейін қарай