2015 жылдың 11-12 тамызы күндері «Каратэ Шинкиокушинкай (WKO), «Кудо» Оңтүстік Қазақстан облыстық федерациясы» қоғамдық бірлестігі Солтүстік Қазақстан облыстық Қазақстан халқы Ассамблеясымен және «Қоғамдық келісім» коммуналдық мемлекеттік мекемесімен бірлесіп, Қазақстан халқы Ассамблеясы жылына арналған отандастардың «Қазақстанға ыстық ықыласпен» атты халықаралық кездесуін өткізді.

2015 жылдың 11-12 тамызы күндері «Каратэ Шинкиокушинкай (WKO), «Кудо» Оңтүстік Қазақстан облыстық федерациясы» қоғамдық бірлестігі Солтүстік Қазақстан облыстық Қазақстан халқы Ассамблеясымен және «Қоғамдық келісім» коммуналдық мемлекеттік мекемесімен бірлесіп, Қазақстан халқы Ассамблеясы жылына арналған отандастардың «Қазақстанға ыстық ықыласпен» атты халықаралық кездесуін өткізді.

Іс-шараны өткізетін орын ретінде ғалым және этнограф Шоқан Уәлихановтың туған жері Солтүстік Қазақстан облысы Айыртау ауданының «Имантау» туристік кешені таңдалды.

Кездесуге облыстық Қазақстан халқы Ассамблеясы хатшылығының меңгерушісі Салимов Наиль Камильевич, «Қоғамдық келісім» КММ басшысы Әбілмажинова Дина Жанұзаққызы, «Қорған облысының қазақтары ұлттық-мәдени автономиясы» ҚБ басқармасының, Макушино ауданы қоғамдық палатасының, Омбы аймақтық «Шоқан жолы» қазақ дәстүрлерін жаңғырту» қоғамдық ұйымының, «ZamandaS» Омбы мәдени-ағартушылық газетінің, Омбы аймақтық қоғамдық ұйымының «Мөлдір» қазақ мәдениеті Сібір орталығының, Омбы облысы бойынша «Дүниежүзілік қазақтар ұйымы» СҚОФ, Түмен облысының «Құрылысшы» ұлттық мәдениет сарайы» мемлекеттік автономиялық мекемесінің  Орта Азия мен Қазақстан халықтары мәдениеті бөлімінің, «Түмен облысы қазақтарының ұлттық-мәдени автономиясы» ТАҚБ, «Жарасым» республикалық жастар ұйымының өкілдері, Солтүстік Қазақстан облыстық Қазақстан халқы Ассамблеясының төрағалары мен мүшелері, «Қоғамдық келісім» КММ қызметкерлері және БАҚ өкілдері қатысты.

Алғашқы күні қонақтарға арнап мерекелік іс-шара – облыстық Қазақстан халқы Ассамблеясының шығармашылық ұжымдарының қатысуымен концерттік бағдарлама, ал кешкілікте – «Достық алауы» ұйымдастырылды. Қонақтар ресми емес жағдайда бір-бірімен жақын таныса араласып, сондай-ақ, таныстықтарын алау басындағы әңгімемен, көңілді әндермен бекіте түсті.

12 тамыз күні «Нұр Отан» партиясының аудандық филиалында Айыртау ауданының әкімі Ағзам Ахметжанұлы Тастеміровтың қатысуымен «Қазақстанға ыстық ықыласпен» атты дөңгелек үстел өткізіліп, оған Ресей Федерациясының Түмен, Қорған, Омбы облыстарынан келген қонақтар, Солтүстік Қазақстан облыстық Қазақстан халқы Ассамблеясының өкілдері, аудандық ішкі саясат бөлімдерінің қызметкерлері, жастар бастамалары орталықтары, БАҚ қатысты.

Дөңгелек үстелдің мақсаты – шекаралас ынтымақтастықты дамыту, отандастарымызды қазақ халқының тарихын, өзіндік ерекшелігі бар мәдениет бастауларын және ана тілін зерделеуге қатыстыру, қазіргі заманғы Қазақстанның беделін арттыру.

Дөңгелек үстелді ашу құқығы Айыртау ауданының әкімі Ағзам Ахметжанұлы Тастеміровке берілді. Ол жиналғандарды жақсы іс-шараның басталуымен құттықтап, жемісті жұмыс тіледі. Осы кіріспе сөзден кейін Айыртау ауданы туралы: оның тарихы, табиғаты, мәдени өмірі, осы жерде тұрып жатқан ұлттар мен ұлыстардың салт-дәстүрлері жайында фильм көрсетілді.

«Солтүстік Қазақстан облысы әкімінің аппараты» ММ «Қоғамдық келісім» КММ басшысы Әбілмажинова Дина Жанұзаққызы құттықтау сөз алып, баяндамаларда қамтылған мәселелердің маңыздылығын және шекаралас ынтымақтастықты дамытудағы зор мәнін атап көрсетті.

Дөңгелек үстел шеңберінде делегация өкілдері: Ресей журналистер Одағының мүшесі, «Түмен облысы қазақтарының ұлттық-мәдени автономиясы» ТАҚБ президентінің БАҚ-пен байланыс бойынша кеңесшісі - Қабдулвахитов Қалел Балкенұлы – «Түмен жерінің қазақтары» кітабының тұсаукесері; Жүнісова Алтынай Хайдуллақызы – Омбы діни қоғамдық ұйымының «Мөлдір» қазақ мәдениеті Сібір орталығының басшысы; Қалиева Гүлбайра Абайқызы – Түмен облысының «Құрылысшы» ұлттық мәдениет сарайы» мемлекеттік автономиялық мекемесінің  Орта Азия мен Қазақстан халықтары мәдениеті бөлімінің бастығы, «Түмен облысы қазақтарының ұлттық-мәдени автономиясы» ТАҚБ төрағасының орынбасары; Салмұрзин Сағындық Досмақұлы – «Дүниежүзілік қазақтары қауымдастығы» РҚБ СҚОФ басшысы, Қартова Зауре Кеңесқызы – М.Қозыбаев атындағы СҚМУ тарих, экономика және құқық  факультетінің деканы, тарих ғылымдырының кандидаты; «Солтүстік Қазақстан облысы әкімінің аппараты» ММ «Қоғамдық келісім» КММ этносаралық жетекші сарапшысы; Әбуов Нұрболат Әскерұлы –  тарих ғылымдарының кандидаты, доцент; Сүндетов Азамат Қайратұлы – Астана қаласы ҚХА жанындағы «Жарасым» республикалық жастар ұйымының төрағасы, Солтүстік Қазақстан облыстық Қазақстан халқы Ассамблеясының этномәдени бірлестіктерінің төрағалары баяндама жасады.

Облыстық Қазақстан халқы Ассамблеясының және «Қоғамдық келісім» КММ атынан делегация қатысушыларына алғыс хаттар табыс етілді және де көршілес облыстардағы кітапханалық қорға қазақ тіліндегі кітаптар сериясы жіберілді.

Дөңгелек үстелге қатысушылар мынадай ұсыныстар жасады:

1.Солтүстік Қазақстан облыстық Қазақстан халқы Ассамблеясы іргелес облыстар, шекаралас аудандар арасында білім беру, мәдениет, әлеуметтік және гуманитарлық байланыстарды дамыту және нығайту бойынша жұмыстарды жалғастырған жөн;

2.Ресей Федерациясымен шектесетін өңірлермен 2015 жылдың атаулы күндері (Қазақ хандығының 550 жылдығы, Шоқан Уалихановтың 180 жылдығы, Абай Құнанбаевтың 170 жылдығы, Ұлы Отан соғысындағы жеңістің 70 жылдығы) бойынша іс-шараларды бірлесе ұйымдастыру керек.

3.Іс-шаралардың ұйымдастырушылары олардың қорытындысы туралы тиісті мемлекеттік органдарды және Қазақстан халқын бұқаралық ақпарат құралдары арқылы ақпараттандыруға тиіс.

Қонақтар үшін отандастар кездесуінің аса маңызды бөлігі Айыртау ауданының көрнекті жерлеріне экскурсия жасау болды. Айғаным музей-үйінде экскурсия жүргізуші Ш.Уәлихановтың әжесінің өмірі, балалық шағы жайында жан-жақты әңгімеледі. Қонақтар біздің уақытқа дейін сақталып қалған үй-жайды еркін тамашалау мүмкіндігін алды.

Экскурсия Қарасай мен Ағынтай батырлардың мемориалдық кешеніне дейін жалғасты.

Отандас қонақтар кездесудің жоғары деңгейде ұйымдастырылғанын атап көрсетті және де жайдарлы қарсы алу мен қызықты бағдарлама үшін алғыстарын білдірді.

Кейін қарай