Жамбыл облысының Сарысу және Талас аудандарында «Қайырымдылық керуені» ұлттық қайырымдылық компаниясы аясында облыстық Қазақстан халқы ассамблеясы қоғамдық келісім кеңесінің көшпелі отырысы өтті. Қайырымдылық акция 4 бағыт бойынша ұйымдастырылды.

«Қазақстан өңірлеріндегі этносаралық жағдай» тақырыбындағы ғылыми сараптама қолдау бөлімі фокус-топқа арналған ГАЙДта ғылыми сараптама қолдау бөлімінің басшысы Альбина Тапаева жиналғандармен өңірдегі этносаралық ақуал, этноәлеуметтік жағдай және мемлекеттік этносаясат, өңірдегі этноконфессиялық жағдай тақырыптарында сауалнамалар жүргізіп, қорытындысында өңірдің этноэлеуметтік жағдайына ықпалы бар қандай факторлар назардан тыс қалғандығын, аталған жағдайларды жақсарту мақсатында ұсыныс тілектерді атап өтті.

Облыстық ҚХА аналар кеңесі аудандық әлеуметтік қамсыздандыру бөлімінің мамандарын тарта отырып, жергілікті этнос әйелдеріне қыз баланы оқыту, белгілі бір кәсіпке бейімдеу, халықтық қолөнер бұйымдарын жаңғырту арқылы кәсіпкерлікпен айналысу, мемлекеттік қайтарымсыз грант алу мәселелері түсіндірілді. Қатысушылар халықтың ұлттық қолөнерінің ұмытылып бара жатқанын айтып, күрді ұлтының нан пісіру, тоқыма өнерін жаңғыртуға қолдау көрсетуін сұрады.

«Жаңғыру жолы» жастар қозғалысының жетекшісі Хамида Тұрдиева еріктілердің жыл басынан бері атқарған жұмыстарына жан жақты талдау жасап, жастарды әрі қарай осы жұмысқа белсене қатысуға шақырды.

Жиын соңында ауылды жерлерде тұратын 12 тұрмысы төмен отбасына 320 мың тенгенің азық-түлік себеттерінен қайырымдылық көмек ұсынылды.

Кейін қарай