Қазақстан халқы Ассамблеясы

10 Наурыз, 2020

271

Тараз: ҚХА ҒСТ ұлттық код, қоғамдық сананы талқылау, патриотизмді қалыптастыру мәселелерін талқылады

Таразда облыстық Қазақстан халқы ассамблеясының ғылыми-сараптамалық тобының «Жалпыұлттық келісім мен қазақстандық патриотизмді нығайтудағы этномәдени бірлестіктердің рөлі» тақырыбында кеңейтілген отырысы өтті.

Күн тәртібінде ұлттық код түсінігін және қоғамдық сананы талқылау, сондай-ақ патриотизмді қалыптастыру мен әскерге шақыру мәселелері талқыланды.

Жамбыл облысы Қорғаныс істері жөніндегі департаментінің бастығы Ерлан Жабықбаев этномәдени бірлестіктердің әскери-патриоттық тәрбиедегі рөліне және әскерге шақыру науқанының өзекті мәселелеріне назар аударды. Спикердің айуынша, «әскери қызметтен жалтарғандардың санын азайту мақсатында биыл этномәдени бірлестіктердің басшылары бірқатар ұсыныстармен шықты. Атап айтқанда, ҚХА Аналар кеңесінің мүшелері әскери бөлімдерге барып жамбылдық сарбаздардың қызметімен таныспақ».


Жамбыл облысы ҚХА ҒСТ мүшесі Исабай Бекбасаров «Болашақтың негізі бүгіннен қаланады. Ал, жастар - болашақтың мәңгілік қозғаушы күші. Ұлт болып ұйып, салт-дәстүр, әдет-ғұрыпымызды сақтаймыз десек, жас ұрпақ санасына алдымен ұлттық кодты сақтап қалудың маңыздылығын түсіндіруіміз қажет», деген ойымен бөлісті.

Сонымен қатар, отырыс барысында облыстық ҚХА ҒСТ мүшесі Сейдахан Бақторазовтың облыс экономикасының дамуына этнос өкілдерінің қосқан үлесін айғақтайтын «Бірлік пен жасампаздық аясындағы Жамбыл өңірі» (кеңестік дәуір) атты кітабының тұсауы кесілді. кесері өтті.

Кейін қарай