Қазақстан халқы Ассамблеясы

09 Қазан, 2020

723

Таразда ұлттық ойыншықтарға арналған фестиваль өтті

«Жамбыл облысы этностарының дәстүрлері мен мәдениеті» энциклопедиясын шығару және шығарылатын энциклопедия негізінде интерактивті карта жасау жобасы аясында «Ұлттық ойыншық - халық игілігі» деген тақырыпта фестиваль өтті.

Іс-шараның мақсаты - халықтық ойыншықтарды ұлттық мұра ретінде жаңғырту, сол арқылы әр халықты өз этносының дәстүрлерімен таныстыру. Іс-шараға этномәдени бірлестіктердің өкілдері, «Жаңғыру жолы» жастар қозғалысының белсенділері, барлығы 30 адам - балалар мен ересектер қатысты.


Фестиваль екі кезеңнен тұрды. Бірінші кезеңде концерттік қойылым өткізілді. Мұнда домбырашы Рүстембек Малдыбаевтың орындауында қазақ ұлттық өнері-ортекемен күй тарту көрсетілді. Сондай-ақ, фестивальде Жамбыл облыстық «Радонеж» орыс қауымдастығы» қоғамдық бірлестігі өнер көрсетті.


Фестивальдің екінші кезеңінде балалар керамикасына арналған «Ежелгі Тараз ескерткіштері» республикалық мұражай-қорығының экспозициясымен ұсынылды.

Сондай-ақ көрмеде Сәрсенкүл Мырзамбетованың, Аманкүл Жанаеваның, Елена Медведцкаяның заманауи ойыншықтары ұсынылды. Фестиваль іс-шараға қатысушыларға алғыс хаттармен және бағалы сыйлықтар таратумен аяқталды.


Кейін қарай