Тараз қаласындағы Достық үйінде «Әулие Ата» қазақ мәдени орталығы» қоғамдық бірлестігі мәдени күні аталып өтті.

Іс-шара «Бэл-Арт» би ансамбілінің биімен басталып, Ішкі саясат басқармасы «Қоғамдық келісім» КММ басшысы Рано Убайдуллаеваның құттықтау сөзімен жалғасты. Рано Махсұдқызы өз сөзінде қазақстандық бірегейлік пен келісім туралы сөз қозғап, мәдени орталықтың жұмысына баға беріп, алғысын білдіре отырып, орталықтың белсенділеріне алғыс хаттар табыстады. Сонымен қатар, мәдени орталықтың төраға орынбасары Айгүл Кабиева атқарылған жұмыстар туралы есеп берді:

- Қазақстандағы этносаралық қатынастардың әлемдік қауымдастық тарапынан бағалануы, ең алдымен, қазақ ұлтының еншісінде екендігі айқын. Осы тұрғыда ұлтымыздың тілін, ұлттық мәдениетін, құндылығын, ерекшелігін сақтау, өзге ұлт өкілдеріне дәріптеу мақсатын ұстанған «Әулие Ата» қазақ мәдени орталығының рөлі зор. Мәдени орталық көне Тараз жеріндегі қазақ халқын ортақ мақсатқа ұйыстыра отырып, облысымыздағы тұрақтылықты сақтау мен дамуына айтулы үлес қосып отыр. Бүгінгі күнге дейін бірнеше баспалдақтан көтеріліп, бірталай белестерді бағындырған мәдени орталық өз қызметін облыстағы, республикадағы ұлттық орталықтармен тығыз қарым-қатынаста жүргізуде, - деп атап көрсетті бірлестік мүшесі Айгүл Кабиева.

Кейін қарай