15 Қараша, 2019
9921
Ташкентте «Қазақстанда тұратын өзбек халқының фольклоры» кітабы таныстырылды
Өзбекстан Республикасына жұмыс сапары кезінде Қазақстан халқы Ассамблеясы Төрағасының орынбасары – Хатшылық меңгерушісі Жансейіт Түймебаев Жазушылар үйінде өзбектің мемлекет және қоғам қайраткерлерімен, зиялы қауыммен кездесті.
Аталмыш шараның ұйымдастырылуына Қазақстан халқы Ассамблеясы мен Өзбекстанның Ғылым Академиясы мұрындық болған еді. Кездесуді Өзбекстан Ғылым Академиясының вице-президенті Б.Абдухалимов жүргізді. Бұл кездесуге сондай-ақ, Өзбекстандағы Қазақстан Елшісі Д.Сатыбалды, Өзбекстан Жазушылар Одағының төрағасы С.Саййид, Ғылым Академиясының институт директоры Н.Махмудов, Қазақстанның қоғам қайраткері Р.Халмурадов, Өзбекстандағы қазақ мәдени орталығының төрағасы С.Үсенов, Қазақстандағы «Дустлық» өзбек қоғамдық бірлестіктері Қауымдастығының төрағасы И.Хашимжанов, Өзбекстанның қоғам қайраткері, ақын М.Ахмедов, Ғылым Академиясының бөлім меңгерушісі М.Жураев қатысты.
Кездесуде Жансейіт Қансейітұлы өзбек зиялыларының қызығушылығын тудырған Н.Назарбаевтың әлем назарын аударған қоғамдық келісім және жалпыұлттық бірлік үлгісін, сондай-ақ, «Қазақстанда тұратын өзбек халқының фольклоры» кітабын таныстырды.
«Әрбір халықтың ауыз әдебиеті – оның бай мұрасы. Бай фольклоры бар елдің тарихы да бай, болашағы да жарқын, ал халқының өмір философиясы терең. Ауыз әдебиетінің Орталық Азия мен Ұлы дала халықтарының арасында маңызы жоғары болды. Ол ежелгі уақыттан халықтар тарихын, мәдени байлығын келер ұрпаққа жеткізудің құралы болатын. Қазақстан Республикасы – көптеген этностардың Отанына айналған мемлекет. Біз барлық этностардың тілін, мәдениеті мен салт-дәстүрін сақтауға барлық жағдай жасап келеміз», - деді Жансейіт Түймебаев. Әрбір этностың ұлттық кодын сақтау қажеттілігі туралы Қазақстан Республикасының Тұңғыш Президенті – Елбасы Нұрсұлтан Назарбаевтың «Рухани жаңғыру» бағдарламалық мақаласында да айтылған болатын. Жансейіт Қансейітұлы осы бағдарлама тұрғысынан, Қазақстандағы өзбек этносының мәдениетін дәріптеу мақсатында кітап шығару - қоғамдық сананы жаңғырту аясында маңыздылығы жоғары іс болғанын айтты. «Дәстүрлі мәдениет ұлттық бірліктің негіздерінің бірі болып табылады. Біздің мемлекет ауыз әдебиетін дамыту, халық шығармашылығының үлгілерін жинақтап, оны жас ұрпаққа үйретуге аса көңіл бөлуде», - деген Ж.Қансейітұлы бұл кітаптың Өзбекстанда Қазақстан жылын өткізу жөніндегі бірлескен іс-шаралар жоспарына сәйкес, «Дустлық» қауымдастығының мұрындық болуымен жинақталып, шығарылғанын айтты. Кітапқа Шымкент, Түркістан қалалары мен Сайрам, Манкент, Қарабұлақ, Қарнақ тұрғындарының айтуы бойынша қағазға түсірілген халық шығармашылығының ауызша үлгілері енгізілген.
«Бұл еңбектің екі елдің татулығы мен достығының берік белгісіне айналатынына сенімдімін. Сондай-ақ, ол ғасырлардан жалғасып келе жатқан туыстық қатынастарды нығайтуға қосылған жаңа үлес болады», - деді Ж.Түймебаев.
Кездесу соңы Қазақстанның өзбек этномәдени бірлестіктерінің мерекелік концертіне ұласты.
Нұргүл Қалиева
Материалды көшіріп жариялау үшін редакцияның немесе автордың жазбаша, ауызша рұқсаты қажет және Қазақстан халқы Ассамблеясы порталына гиперсілтеме берілуі тиіс. Авторлық құқық сақталмаған жағдайда ҚР Авторлық құқық және сабақтас құқықтар туралы заңымен қорғалады.
Ұқсас жаңалықтар
-
Қазақстан халқы Ассамблеясы Төрағасының орынбасары Ораза айт мерекесімен құттықтауы
-
Қазақстан халқы Ассамблеясы гуманитарлық көмек қабылдау және еріктілерінің жұмысын үйлестіру орталықтары
-
Ерлан Қарин: Қазақстан халқының Ассамблеясы тарапынан айтарлықтай көмек көрсетіліп отыр
-
«Мемлекеттік тілдің мәртебесін көтеруде Қазақстан халқы Ассамблеясы құрылымдарының рөлін арттыру» тақырыбымен ZOOM-конференция өтті
-
Қазақстан халқы Ассамблеясы су тасқынынан зардап шеккен өңірлерге көмек көрсетуді жалғастыруда
-
ҚХА кафедрасының Минскіге ресми сапары
10 Сәуір, 16:59
Қазақстан халқы Ассамблеясы Төрағасының орынбасары Ораза айт мерекесімен құттықтауы
10 Сәуір, 16:57
Мемлекет басшысы Қасым-Жомарт Тоқаевтың Ораза айт мерекесімен құттықтауы
13 Сәуір, 13:05
ОТБАСЫЛЫҚ ҚҰНДЫЛЫҚТАР -ҰЛТТЫҚ ТӘРБИЕ НЕГІЗІ
14 Сәуір, 17:46
АСТАНАДАН ТӘЖІКТЕРДІҢ РЕСПУБЛИКАЛЫҚ ЭТНОМӘДЕНИ БИЗНЕСМЕНДЕРІ 25 МЛН.ТЕҢГЕГЕ ГУМАНИТАРЛЫҚ КӨМЕК ЖІБЕРДІ
15 Сәуір, 23:06
«БАРБАНГ» КҮРДТЕР ҚАУЫМДАСТЫҒЫ АТБАСАР ҚАЛАСЫНА ГУМАНИТАРЛЫҚ КӨМЕК ЖІБЕРДІ
Ұқсас жаңалықтар
-
Қазақстан халқы Ассамблеясы Төрағасының орынбасары Ораза айт мерекесімен құттықтауы
-
Қазақстан халқы Ассамблеясы гуманитарлық көмек қабылдау және еріктілерінің жұмысын үйлестіру орталықтары
-
Ерлан Қарин: Қазақстан халқының Ассамблеясы тарапынан айтарлықтай көмек көрсетіліп отыр
-
«Мемлекеттік тілдің мәртебесін көтеруде Қазақстан халқы Ассамблеясы құрылымдарының рөлін арттыру» тақырыбымен ZOOM-конференция өтті
-
Қазақстан халқы Ассамблеясы су тасқынынан зардап шеккен өңірлерге көмек көрсетуді жалғастыруда
-
ҚХА кафедрасының Минскіге ресми сапары