«Ардагерлерді Ардақтайық» жобасы аясында Құрманғазы атындағы Мәдениет сарайында Атырау облысының «Татулық» татар-башқұрт этномәдени бірлестігінің ұйымдастыруымен «Татулық»  хорының  алғашқы концерті өтті.

Хордың ардагерлері, Атырау облысының Қазақстан халқы Ассамблеясының Аналар кеңесінің белсенділері кеш қонақтарына жақсы көңіл-күй сыйлайды.

Іс-шара баянның сүйемелдеуімен орындалған «Жиләкля жәйләр» татар халық әнімен басталды. Концерттік бағдарламада жастар да өнер көрсетті.

«Татулық» татар-башқұрт этномәдени бірлестігінің төрайымы Гүлсина Байкенова барлық қатысушыларды құттықтап, көрермен қауымға зор денсаулық, табыс және отбасыларына жақсылық тіледі.

***

«Татулық» татар-башқұрт этномәдени бірлестігі 1995 жылы құрылды. Шығармашылық ұжымның репертуарында қазақ, орыс, татар тілдеріндегі әндер мен концерттік нөмірлер, серпілтетін билер бар.  Олар өңірдің қоғамдық-саяси, экономикалық және мәдени өміріне белсенді араласып, дамуына үлестерін қосуда.

Кейін қарай