Тұңғыш Президенті атындағы саябақта 1 мамыр – Қазақстан халқының бірлігі күніне арналған «Татулығымыз бір шаңырақ астында» атты мәдени көпшілік іс-шарасы өтті.

Қазақ Елі – төрінде татулық пен тұрақтылық, көгінде бейбіт күн, елінде ырыс пен ынтымақ салтанат құрған шұғылалы шаңырақты мекендеген ұлт пен ұлыстың бірлігін айқындаған шара болды.

Аталмыш шараға Ақтөбе облысы Қазақстан халқы Ассамблеясы жанындағы этномәдени бірлестік өкілдері мен шығармашылық ұжымдары қатыстырылды.

Мерекелік шара аясында өңірімізді мекендеген ұлт өкілдері киелі шаңырақтарының беріктігі мен татулығының айғағы іспетті отбасыларымен сахна төріне көтеріліп, алғашқы болып қазақ отбасы бауырсағын ұсынып, қалған отбасылары да ұлттық дәмдерінен көрерменге ауыз тигізіп, ақжарма тілектерін жолдады.

«Тату елге тыныштық пен тоқшылық нәсіп» деген сөз қалған бабаларымыздан. Ел саясатының діңгегі де қоғамдық келісім мен этносаралық үйлесім! Жалпыұлттық сананы қалыптастырып, ұлтты ұйыстыра білген бұл мереке – адалықдық мерекесі. Осы орайда «Алаш парызы» қоғамдық бірлестігі ұйымының басшысы Айшуақ Дәрменұлы, Ақтөбе облысы Қоғамдық келісім кеңесінің төрағасы С.В.Вишняк, «Шатлык» татар-башқұрт этно-мәдени бірлестігінің төрайымы Э.Г.Хабибуллина, Ақтөбе облысы кәрістер қауымдастығының мүшесі, ардагер дәрігер Е.Г.Югай құттықтау лебіздерін білдірді.

Кейін қарай