22 қыркүйек күні Кеңес одағының екі мәрте батыры Т.Бигельдинов атындағы Әуе қорғаныс күштері институтында «Тіл – татулық тірегі» тақырыбында әскери курсанттардың аясында тіл байқауы өткізілді. Оған 6 команда қатысып, өз өнерлерін көрсетті.

Сайыс институт бөлімшелері арасында Қазақстанда тұратын ұлттардың салт-дәстүрлерін, өнерін насихаттау, халықтар достастығын нығайту мақсатында, институттың штаб, оқу бөлімі, материалдық-техникалық қамту қызметі, инженерлік-авиациялық қызмет, авиациялық оқу орталығы, медициналық қызмет жеке құрамдары арасында өткізілді. Сайыс ережесі бойынша сайысқа әскери қызметшілердің отбасы мүшелері және мемлекеттік тілді меңгерген өзге ұлт өкілдерінің қатысуы шарт болған. Осы шарттар  сақталып, штаб бөлімшесінен аға лейтенант И.Суханов қойылған сұрақтарға қазақша жауап берді, материалдық-техникалық қамту бөлімі мен инженерлік-авиациялық қызметтен әскери қызметшілердің отбасы мүшелері қатысты. Бөлімшелер татар, қазақ, орыс, украин, өзбек, грузин ұлттарының мәдениетін, өнерін көрсетті.

Бұл іс-шараға Ақтөбе облысы әкімі аппаратының «Қоғамдық келісім» КММ-нің мониторинг және сараптама бөлімінің маманы Т.Сапарав әділқазылар алқасының мүшесі ретінде қатысты. Ол тілдер мерекесіне байланысты жүргізіліп жатқан мемлекеттік саясат туралы ақпарат берді.

Сайыс қорытындысы бойынша 1,2,3 орындар белгіленіп, номинациялар бойынша жеңімпаздар анықталды.

«Ақтөбе облысы әкімі аппараты» ММ-нің

«Қоғамдық келісім» КММ

баспасөз қызметі

Кейін қарай