Қазақстан халқы Ассамблеясы

12 Желтоқсан, 2022

75

«Туған жерім - Қазақстан!»

11 желтоқсанда Алматы қаласындағы республикалық Достық үйінде Әзірбайжандар қауымдастығының ұйымдастыруымен және «Қоғамдық келісім» РММ қолдауымен Тәуелсіздік күніне арналған «Туған жерім - Қазақстан!» атты мерекелік іс-шара өтті.

Іс-шараға Қазақстан халқы Ассамблеясының мүшелері, «Қоғамдық келісім» КММ қызметкерлері, республикалық және қалалық этномәдени бірлестіктердің өкілдері, жастар мен БАҚ тілшілері қатысты.

Іс-шара Қазақстан Республикасының Әнұранымен ашылып, қатысушылар егеменді Қазақстанның тарихында және қазақ халқының өмірінде Тәуелсіздік күнінің маңыздылығы туралы ой бөлісті.


«Құрметті жиналған қатысушылар, баршаңызды еліміздің ұлы мерекесі – Тәуелсіздік мерекесімен шын жүректен құттықтаймын! Ел егемендігінің тарихы тереңде жатыр. Халқымыз Тәуелсіздікке жету үшін талай сынақтардан өтті. 31 жыл ішінде Қазақстан әлемдік аренада орны бар іргелі мемлекетке айналып, этностардың бірлігі мен татулығын сақтап келеді. Осының атрқасында еліміз талай белестерді бағындырды», – деді Әзірбайжандар қауымдастығы төрағасының орынбасары Аллахверди Мамедов.

Жиын соңында концерттік бағдарлама ұйымдастырылып, қатысушылар мен қонақтар үшін әсем ән мен келісті би, өлең орындалды.


Кейін қарай