- Бүкіл әлемде ақпараттық технологиялар және индустрияландыру дамыған заманда жас  буынды патриоттық, іске жауапкершілікпен қарау, ел тарихына, Қазақстанның қазіргісі мен келешегіне ортақтастық сезімін қалыптастыру мәселесі өзекті болып тұр, - деді «Грин» Қостанай облысының Азаматтық альянсы» қоғамдық қорының төрайымы Динара Өтебаева. – Сондықтан да біз жеткіншек ұрпақты аталарымыз бен әкелеріміздің тәлімін үлгі қылып тәрбиелеуіміз керек, олардың Отан қорғаушы борышын атқарып, мемлекеттік шекараны қорғаудағы бейбіт өмір үшін жасаған жанкешті ерліктері туралы  оларға жиі-жиі айтып отыруымыз қажет.

 Облыстық ардагерлер кеңесінің төрағасы Кенжебек Үкин Ұлы Отан соғысы ардагерлерінің ерлікке толы өмір жолын айта отырып, бүгінгі күні ардагерлер кеңесі соғыс ерлерін мәңгілік есте қалдыру мақсатымен белсенді, ауқымды шаралар атқарып жатқандығын баяндады. «Боздақтар», «Жауынгерлік даңқ кітабы» атты көп томды кітап шығарылды, «Жеңіс паркі есте сақтайды», «Қостанайлықтар – Кеңес Одағының батырлары» кітаптары жуық арада жарыққа шығады, - деді.

- Ұлы Отан соғысында миллиондаған адамның өмірі қиылды, бірақ солдаттар мен офицерлердің жанкешті ерлікке толы жауынгерлік еңбегінің арқасында Жеңіске жеттік! Сіздер, жастар, жалғастырушы ұрпақ ретінде соғыс ерлерін әрқашан да есте сақтауларың керек. Жақсы оқуларың және нәтижелі еңбектеріңмен Қазақстан Республикасының гүлденуіне өз үлестеріңді қосуларың қажет, - деп атап өтті ҰОС ардагері Михаил Подоляков.

Кедесуде Ауғанстан соғысы, тәжік-ауған шекарасындағы жауынгерлік ұрыстарға қатысушылар, қалалық әскери-патриоттық клубтарының басшылары сөз алды. Клуб мүшелері қатысушыларға қоян-қолтық ұрыс, самбоның әдіс тәсілдерін және қылышты шебер пайдалана білу өнерін көрсетті. Ал әскери бөлім қызметшілері қатысушыларға  «Журавли», «Ордена», «Афганистан» атты әндерді шырқап, бірнеше музыкалық-сазды нөмірлерін сыйға тартты.

Іс-шараның тәрбиелік мағынасы «Егер де ата-бабаларымызды есте сақтасақ, уақыт көшін байланыстырушы желі үзілмейді»... деген өлең жолдары мен қорытындыланды.