28 маусымда  Петропавл қаласының Достық үйінде ҚР Парламенті Мәжілісі төрағасының орынбасары Владимир Божкомен кездесу өтті. Владимир Карпович 2016 жылғы парламенттік сайлауда Қазақстан халқы Ассамблеясы атынан Қазақстан Республикасы  Парламенті Мәжілісінің депутаты болып сайланды.  Ол сондай-ақ «Қазақстанның орыстар, славяндар және казактар ұйымдары қауымдастығы» заңды тұлғалар ұйымы төрағасының орынбасары болып табылады.

Отырысқа облыс әкімінің орынбасары Анархан Дүйсенова, Солтүстік Қазақстан облыстық Қазақстан халқы ассамблеясы хатшылығының меңгерушісі Наиль Салимов, облыстық және аудандық этномәдени бірлестіктер өкілдері қатысты. 

«Мәңгілік ел» патриоттық актісі, Ақтөбе қаласындағы соңғы оқиғалар, сонымен бірге Қазақстан халқы ассамблеясының қызметі мен жұмыс сапасы өзекті тақырыптарға айналды.

Отырыстан кейін Владимир Божко Петропавл құрылыс-экономикалық және гуманитарлық-техникалық колледждердегі Бейбітшілік пен келісім орталықтарына барып қайтты. Онда депутат үшін экскурсия ұйымдастырылды. 

Құрылыс-экономикалық колледждің директоры студенттер жұмыс істейтін шеберханаларды көрсетіп, оқу орнының технологиялық ерекшеліктерін айтып кетті. Гуманитарлық-техникалық колледжде Владимир Бажко жазушы Герольд Бельгердің мұражайын көріп, Петропавл колледжінің тарихымен танысты.

Владимир Бажко Солтүстік Қазақстан облыстық Қазақстан халқы ассамблеясы жұмысының сапасы мен жинақылығын атап өтті. 

«Солтүстік Қазақстан облысы әкімінің аппараты» ММ

 «Қоғамдық келісім» КММ баспасөз қызметі

Кейін қарай