10 қыркүйекте Астана қаласының Достық үйінде Қазақстан халқы Ассамблеясы Төрағасының орынбасары - ҚР Президенті Әкімшілігі ҚХА Хатшылығының меңгерушісі Марат Әзілханов Қырғызстан халқы Ассамблеясы Кеңесінің төрағасы Алмамбет Матубраимовпен кездесті.

Іс-шараға ҚР Мәдениет және ақпарат министрлігі Этносаралық қатынастарды дамыту комитетінің төрағасы Ғалым Шойкин, сондай-ақ Астана қаласы әкімдігінің, ҚХА қоғамдық құрылымдарының, Қырғызстан халқы Ассамблеясының және республикалық этномәдени бірлестіктердің өкілдері қатысты.

Ынтымақтастық, бірлескен жобаларды іске асыру, тәжірибе алмасу және жастарды достық байланыстарды одан әрі нығайту қызметіне тарту мәселелері талқыланды.

Қазақстан тарапы Қырғызстан халқы Ассамблеясының басшылығы мен мүшелерін 2025 жылы Қазақстан халқы Ассамблеясының 30 жылдығына арналған іс-шараларға қатысуға шақырды.

Кездесу қорытындысы бойынша Қазақстан халқы Ассамблеясы мен Қырғызстан халқы Ассамблеясының ынтымақтастығы туралы келісімге қол қойылды.

Кейін қарай