2025 жылғы 28 қаңтарда Қызылорда облыстық корей этномәдени бірлестігі өзінің жарқын да мәнді дәстүрлерін жалғастыра отырып, корей жаңа жылы – Сольналь мерекесін атап өтті. Бұл мереке заңды түрде корей этностық тобының мәдени мұрасы болып табылады және Жаңа жылды тойлаудың негізгі күні болып саналады.

Іс-шараға Қызылорда облысының қоғамдық даму басқармасының басшысы Руслан Каюпов, этномәдени бірлестіктердің төрағалары, ҚХА ардагерлері мен БАҚ өкілдері қатысты.

Руслан Каюпов пен «Қазақстан корейлері қауымдастығы» Қызылорда облыстық қоғамдық бірлестігінің төрағасы Елена Ан құттықтауларында облыстағы этномәдени бірлестіктердің этносаралық келісім мен жаплыұлттық бірлікті нығайтуға, этностарды азаматтық ұстанымдар негізінде біріктіруге қосқан үлесін атап өтті.

Сольналь мерекесінде корей этносының көне салт-дәстүрлері мен әдет-ғұрыптары, әндері мен билері көрсетілді.

Сондай-ақ концерттік бағдарлама, ежелгі корей өнімдерінің көрмесі, алпысқа жуық дәстүрлі тағамдардың тұсаукесері ұйымдастырылып, қонақтар корей мәдениетімен және Сольналь мерекелеу ерекшеліктерімен танысты.

Кейін қарай