Қызылорда облыстық Қазақстан халқы ассамблеясы жанындағы Медиаторлар кеңесінің ұйымдастыруымен Медиация апталығы аясында Отбасын қолдау орталығында кездесу өтті.

Кездесуге «Бітім» медиация орталығының директоры, кәсіби медиатор Жанна Мирамбекқызы және орталық қызметкерлері қатысты.

Ж. Мирамбекқызы медиация – уақытты үнемдеу және бейбіт келісімге келудің ең тиімді жолыекендігін алға тартты. Әсіресе, оқу саласында, оқытушы мен студент арасындағы кикілжіңдер, отбасы, жер, көрші, жесір дауларының барлығы осы медиация жолымен шешкен әлдеқайда тиімдіекендігін айтты.

«Отбасылық даулар, ажырасуға дейін апаратынжанжалдар біздің қоғамда көптеп орын алыпжатқаны өкінішті. Әсіресе, ерлі-зайыптылардың арасында мәселені шешудің орнына қайта күрделендіріп жіберетініне көзіміз жетіп жүр. Некені бұзуға келіскен ерлі-зайыптылардың арасында отбасындағы балаларға психологиялық жағынан өте ауыр тиеді. Оның мінезі тұйықталып, қиналады. Бұл тұрғыда медиация орталығы тегінкеңес береді. Орталықта психолог маман жұмыс істейді. Отбасылық мәселелерге байланысты кеңес береді. Сонымен бірге, орталыққа телефон арқылы хабарласып, қажетті кеңес ала аласыздар», -деді.

Сондай-ақ, медиация институты, оның тиімділігі, медиация тәсілін меңгеру пайдасы, медиацияның тетіктерін ұтымды пайдалану, қызметте, қоғамда, отбасында орын алатындауларды екі тарапқа да оңтайлы реттеу, несие, қарыздан құтылу сынды мәселелерді қозғады.

Орталық қызметкерлері алимент төлеуден бас тартатын ерлі-зайыптыларды шақырып, медиация арқылы бітімгершілікке шақыруға және қиын отбасыларға қолдау көрсету бағытында медиаторлар кеңесімен бірлесіп жұмыс істеугеұсыныс айтты.

Кейін қарай