Қазақстан жұртшылығы халық мақтанышы Жамбыл Жабаевтың 170 жасқа толған мерекені кең көлемде атап өтуде.Тараз қаласында айтулы ақынның атымен аталатын әкімшілік орталығында  Ш.Уәлиханов атындағы облыстық әмбебап ғылыми кітапханасы, облыстық филармония және халықтық шығармашылық орталығы Жамбыл облысы әкімі аппаратының «Қоғамдық келісім» КММ және этномәдени бірлестіктермен бірлесіп, суырып салма ақынның мерекелік тақырыптық айының аяқталуына орай, әдеби-сазды кеш өткізді.

Жамбыл алаңына жиналған қала тұрғындарының қатысуымен өткен іс-шарада ақынға орнатылған ескерткіштің алдында облыстық мәдениет, мұражай және құжаттамалар басқармасы басшысының орынбасары С.Мадиева, өзбек этномәдени бірлестігі төрағасының орынбасары М.Миражапова сөз сөйледі. Олар ұлы ақынның шығармашылығына өздерінің таңданыстарын білдіріп, өлеңдерін оқыды. «Жаңа жол» халықаралық журналистер одағының мүшесі В.Ступников жерлестерін Жамбылдың таусылмайтын шығармашылық мұраларын мәңгі сақтауға шақырды, осы бағытта жас ұрпақтарды тәрбиелеу керектігін айта келіп, өзінің жеке өлеңдерін оқыды.

Тараз қаласына жиналған республикалық жыршы- термешілер байқауына барлық облыстардан келген қатысушы қонақтарды жұртшылық жылы шыраймен қарсы алды.Филармония әншілері Жамбылдың сөзіне жазылған әндерді орындады, жас ақындар, облыстық кітапхана жанындағы «Қайран жастық» және «Қаламгер» шығармашылық клубының мүшелері өлеңдерін оқыды. Кеш қатысушыларға үлкен әсер қалдырды.  

Кейін қарай