Жамбыл облысында «Ұлы дала елінің киелі мұрасы» тарихи экологиялық акциясы аясында «Менің тарихым, менің халқым, менің елім» атты жастар экспедициясы өтті.

Экспедицияға қатысушылар Таразда археологиялық саябағы мен «Көне Тараз» кешенінде болды.

Экскурсиядан кейін сипатталған нысан бойынша қатысушылар арасында логикалық тапсырмалар ұсынылған квест-ойындар өткізілді.

Бірлескен экскурсиядан кейін қатысушылар екі бағыт бойынша бөлініп, киелі жерлерді аралауға жолға шықты.

Бірінші топ Ақыртас кешеніне, Құлан ауылындағы, Шу және Қордай қалаларындағы мұражайларда болды. Бағдарламаның зияткерлік және экскурсиялық пункттерін өткізумен қатар, «Жаңғыру жолы» жастар қозғалысының белсенділері #Birge#TazaQazaqstan республикалық экологиялық акциясын қолдап,  сапар  кезінде болған аудандарда экоакция өткізді.

Кордайда қатысушылар коворкинг-орталыққа болып, оларға «100 жаңа оқулық» жобасы аясында екі кітаптың тұсаукесері өткізілді. Олар – «Адамзаттың қысқаша тарихы» және Стивен Р. Ковидің «Жасампаз жандардың 7 дағдысы».

Кордай тарихи-өлкетану мұражайында экспеди ция мүшелері мұражай экспозицияларын пайдалану арқылы бейне-челлендж түсірді. Одан кейін бағытқа сәйкес белсенділер «Қарақоңыз» мемлекеттік табиғи ботаникалық қаумалына барып, онда Іле Алатауы жотасының батыс бөлігінің бірегей өсімдіктер әлемімен танысты.   

Екінші топ Қарахан мен Айша бибі кесенелерін аралап көріп, Бауыржан Момышұлы мұражайында орналасқан экспонаттармен танысты. Одан кейін «Шақпақ ата әулие» үңгірінде болып, Талас ауданындағы Тамды қалашығының және Берікқара шатқалының тарихына шолу жасады.

Үш күндік экспедиция қорытындысы бойынша қатысушыларға сертификаттар мен естелік сыйлықтар табыс етілді.

Кейін қарай