Көкшетаудағы Достық үйінде «Ұлы Отан соғысы: ХХІ ғасырдың көзімен» атты облыстық мектеп оқушыларының конференциясы өтті.

Оның барысында жалпы білім беру және лицей оқушылары арасында өткен облыстық шығарма жазудан өткен конкурстың қорытындысы шығарылды.

Жалпы конкурсқа 100-ден астам оқушы тартылған. Олар байқауға Ұлы Отан соғысына қатысқан өздерінің туған-туыстары туралы әссэлерін ұсынды. Жеңімпаздар шығармаларын конференция барысында оқып, ұлы майданда ерлікпен қаза тапқан ата бабалары туралы туындыларын оқып берді.

Конкурсты ұйымдастырушылар барлық қатысушыларға алғыс хаттар мен естелік сый-сияпаттар табыстады. Үздік шығармалар шығармашылық эссе және суреттер топтамасына енгізілді.

Іс -шара соңында Қазақстандағы РФ Өкілдігінің әскери атташесі П. Вагин Ұлы Отан соғысының ардагенрі Сейтқазы Байғабұловтың қызы Сара Таласпаеваға «Қызыл жұлдыз» орденіне куәлікті табыс етті.

Back to the list