Іс-шараның мақсаты – Тәуелсіз Қазақстан азаматтарының жетістіктерінің нақты тарихы мысалында жастарды патриоттық тәрбиелеу, қоғамдық келісім мен жалпыұлттық бірліктің қазақстандық үлгісін одан әрі нығайту, сондай-ақ қазақ халқының құндылықтарын насихаттау.

Кездесу барысында «100 Жаңа есім» жобасының қатысушысы, «Жамбыл облысы әкімдігінің денсаулық сақтау басқармасы Жамбыл облыстық қан орталығы» директоры, Қазақстан халқы Ассамблеясының мүшесі, депутат, «Аманат» партиясының мүшесі Гулам Умаров студенттермен өз өмір жолындағы тәжірбиесімен бөлісе отырып, «Бүгін еліміз табысты, қарқынды даму үстінде. Ендігі ретте өркениетке бет бұрған егемен ел жастары болашақты өз қолымен жасайтын нағыз патриот болуы қажет», - деді. Спикердің айтуы бойынша, еліміздің іргетасы берік болуы білімді жастардың қолында.

Ал, республикалық дүнген этномәдени бірлестігінің төрағасы, Қазақстан халқы Ассамблеясының мүшесі, «Ақ желкен» жастар лигасының негізін қалаушы, жас кәсіпкер Зайнутдин Махусеев жастармен түрлі тиімді кеңестерімен бөлісіп, қойылған сұрақтарға жауап берді.

Дөңгелек үстелге модераторлық еткен «Қоғамдық келісім» КММ басшысы Мүбәрак Қасымқызы белсенді жастарға сыйлықтар табыстады. Шара соңында, «Your-Path» жобасының негізін қалаушылар Александр Скалкин және Санжар Сүлейменов жастарға арнап тимбилдинг форматында кездесу өткізді.

Кейін қарай