Ұлыстың ұлы күнін мерекелеу аясында Достық үйінің шаңырағында Ақтөбе облыстық «Ассамблея жастары» РҚБ өкілділігінің ұйымдастыруымен ұлттық ойындар ойнатылды. Ұлттық ойындар негізінде әр халық әртүрлі жаттығулар жасау жолымен дене - шынықтыру ісінің негізін салды. Қазақтың ұлттық ойындары – бабаларымыздан қалған асыл қазына.

Ойын де­геніміз – білуге, білімге құш­тар­­­лықты ұшқындататын құрал, ойдан-ойға жетелейтін, адамға қиялмен қанат қақтыратын ғажап ақыл-ой жетекшісі, денсаулық ке­пілі, өмір тынысы. Оның ішінде «Асық ату», «Ләңгі тебу», «Арқан тарту», «Қол күрес». «тоғыз құмалақ» сынды ойындар ойнату арқылы өскелең ұрпақты тапқырлыққа, жылдамдыққа, шапшаңдыққа, икемділікке, батылдылыққа үйретеді.

Ең бастысы, ата-бабадан қалған өнер мен өнеге, үлгілерінің лайықтыларын жастардың санасына құйып, көз алдында көрсете отырып сіңіру оларды әдептілікке, мейірімділікке, ізеттілікке, бауыр­­малдыққа, қам­қорлыққа бау­лиды, ұлт­тық намысы мол жігерлі жастарды тәрбиелеуге жол ашады.

Шара соңында ойын жеңімпаздарын марапатталып, сыйлықтар табыс етілді.

Кейін қарай