Бүгін Қазақстан халқы Ассамблеясының қолдауымен «Қазақстан өңірлерінде жалпыұлттық бірлік пен қоғамдық келісім саласындағы мемлекеттік саясатты жүзеге асыру» тақырыбына үш күндік өңірлік семинар-тренинг өз жұмысын бастады.

Семинар-тренингтің шымылдығын Маңғыстау облысы әкімінің орынбасары Нұрғазиева Бану Ғаниқызы ашып, қатысушыларға сәттілік тіледі. Сондай-ақ, ол семинар-тренингте берілетін ақпараттардың заманауи қоғамда негізгі құрал болып табылатынын атап өтті.

Семинар-тренинг Қазақстан Республикасы Президентінің жанындағы Мемлекеттік басқару академиясының ұйымдастыруымен өтуде.

Дәрістер мен тренингтерді Қазақстан Республикасы Президенті Әкімшілігінің Қазақстан халқы Ассамблеясы Хатшылығы, ҚР Еңбек және халықты әлеуметтік қорғау министрлігі, ҚР Президентінің жанындағы
«Қоғамдық келісім» РММ, ҚХА кафедраларының өкілдері, Қазақстан Республикасы Орталық сайлау комиссиясының мүшелері және  Мемлекеттік басқару академиясының профессор-оқытушылар құрамы жүргізеді.

Тыңдаушылар ретінде Маңғыстау, Атырау, Ақтөбе, Батыс Қазақстан  облыстарының қоғамдық келісім мен жалпыұлттық бірлік саласындағы мемлекеттік саясатты жүзеге асыруды қамтамасыз ететін мемлекеттік қызметшілері, облыстық ҚХА хатшылықтарының меңгерушілері мен мамандары, дін істері, тілдерді дамыту басқармаларының, өңірлік «Қоғамдық келісім» мекемелерінің мамандары, құқық қорғау органдарының қызметкерлері, сондай-ақ этномәдени бірлестіктердің өкілдері шақырылды.

Өңірлік семинар-тренинг барысында Мемлекет  басшысының «Қазақстанның үшінші жаңғыруы: жаһандық бәсекеге қабілеттілік» Қазақстан халқына Жолдауы аясында қоғамдық келісім мен жалпыұлттық бірлік саласындағы мемлекеттік саясаттың жаңа міндеттері түсіндірілетін болады.

Семинар-тренинг бағдарламасында «100 нақты қадам» Ұлт жоспарының жалпыұлттық бірлік пен бірегейлікті нығайту саласында жүзеге асырылуы бойынша тәжірибе алмасу қарастырылған. Қоғамдық қатынастардағы діни көзқарастар қарастырылып, деструктивті діни ағымдарға қарсы іс-қимыл әдістері анықталатын болады, сондай-ақ Қазақстан Республикасының сайлау жүйесін дамытудың негізгі бағыттары және сайлау өткізу тәжірибесінде олардың іске асырылуы түсіндіріледі. Еңбек саласындағы этносаралық қатынастарды реттеу әдістеріне шолу және Жаңғыру 3.0. контекстінде Қазақстанның экономикалық дамуының жаңа үлгісіне талдау жасалады. Фокус-топтар мен пікірталас алаңы форматында Қазақстанның батыс облыстарында мемлекеттік саясатты жүзеге асыру мәселелері талқыланатын болады. 

Кейін қарай