Қазақстан халқы Ассамблеясы

06 Мамыр, 2021

45

Алматыда этноәлеуметтік процестер тақырыбында онлайн конференция ұйымдастырылды

Алматыда Қазақстан Республикасы Тәуелсіздігінің 30 жылдығына арналған "Қазақстан Республикасындағы этноәлеуметтік процестер" тақырыбында Алматы қаласы Қазақстан халқы Ассамблеясының ғылыми - сараптамалық тобының X қалалық ғылыми-практикалық онлайн - конференциясы өтті.


Ғалымдар мен қоғам қайраткерлерінің бірлескен форумы елдегі этносаяси процестерді зерттеу мен басқарудың этносаяси стратегиялары мен практикалық технологияларын дамытуды талдауға; Қазақстан халқы Ассамблеясының осы үдерісіндегі рөлі мен міндеттеріне; Қазақстан этностарының бірлігі мен келісімін нығайтуға бағытталған төртінші институционалдық реформаны іске асыру жөніндегі ғылыми-практикалық ұсынымдарды тұжырымдауға арналды.

Этноәлеуметтік қатынастардың қайшылықты қақтығыстарын шешудегі ажырамас рөл қоғамның азаматтық және ғылыми институттарына тиесілі. Қоғам мен мемлекеттің қоғамдық-саяси тұрақтылығының деңгейі олардың этностардың әлеуметтік ахуалы мен көңіл-күйін, халықтың мемлекеттік этносаясатқа қатынасын объективті бағалауына, этносаралық қатынастардың шынайылығына тікелей әсер ететін қоғамның берік әлеуметтік байланыстарын құруына байланысты болады.

Конференция жұмысына белгілі қазақстандық ғалымдар, философия, саясаттану, тарих, әдебиет саласындағы мамандар, Қалалық және республикалық этномәдени бірлестіктердің өкілдері, ҚХА республикалық ғылыми - сарапшылық кеңесінің және Алматы қаласы ҚХА Ғылыми-сарапшылық тобының мүшелері, қоғам және саяси қайраткерлер, журналистер қатысты.


Кейін қарай