Қазақстан халқы Ассамблеясының Қазақстан Республикасы Тұңғыш Президенті күніне арналған «Қайырымдылық керуені» жалпыұлттық акциясы Қарағанды облысында қарқынды жүзеге асуда. Аталмыш акция аясында Қаражал қаласына қарасты Жәйрем елді-мекенінде «Балаларға қуаныш сыйла» қайырымдылық концерті өтті.

Қазақстан халқы Ассамблеясының Қазақстан Республикасы Тұңғыш Президенті күніне арналған «Қайырымдылық керуені» жалпыұлттық акциясы Қарағанды облысында қарқынды жүзеге асуда. Аталмыш акция аясында Қаражал қаласына қарасты Жәйрем елді-мекенінде «Балаларға қуаныш сыйла» қайырымдылық концерті өтті.

Концертке мүгедек және жетім балалар, әлеуметтік жағдайы төмен отбасылардағы бүлдіршіндер шақырылып, мерекелік шара соңында азық-түлік таратылып, естелік сыйлықтар табыс етілді.

«Балаларға қуаныш сыйла» концерттік бағдарламасы Мәдени сауықтыру орталығында ұйымдастырылған «Әкем, анам және мен» отбасылық спорттық жарысында жалғасты. Сайысқа мүгедек баланы асырап отырған отбасылар қатысып, жүлделі сыйлықтар мен мақтау қағаздарымен марапатталды.

«Қайырымдылық керуені» жалпыұлттық акциясы «Қамқор» қайырымдылық акциясына ұласты. Қаражал қалалық кәсіпорындары мен мекемелері акция аясында мүмкіндігі шектеулі, материалды аз қамтылған тұрғындарды азық-түлік қоржындармен, тұрмыстық жабдықтармен қамтамасыз етті.

Қарағанды облысы әкімі аппаратының

"Қоғамдық келісім" КММ баспасөз қызметі

тел., WhatsApp: +77024190203

e-mail: kelisim@bk.ru

Кейін қарай