Қостанай облысының «Эребуни» армян қауымдастығы көктемнің дәстүрлі мерекесі – Ана мен сұлулық күнін атап өтті. Осы күнге арналған концерт екі сағатқа дейін созылды. Е. Өмірзақов атындағы облыстық филармония залында отырған әйелдер қауымына арнап сахнадан бірінші болып облыс әкімінің әлеуметтік мәселелері жөніндегі орынбасары Марат Жүндібаев құттықтау сөз сөйледі. Ол көктемнің аталмыш мерекесінің маңыздылығы, әрбір әйелдің ана болуға жаратылатыны және оның әр адамның тағдырындағы рөліне тоқталып өтті.

Алматыдан келген армян қауымдастығының «Наири» би ұжымы өзінің ең таңдаулы нөмірлерін көрсетіп,  қостанайлықтарға үлкен сыйлық жасады. Сонымен қатар, арнайы шақырылған қонақ, ресей мен армян эстрадалық әншісі Григорий Есаян кештің жұлдызына айналды.

- Біз көктемде әжелеріміз, шешелеріміз, әйелдеріміз, апа-қарындастарымыз бен қыздарымызды екі рет наурызда және сәуірде құттықтаймыз, - дейді «Эребуни» армян ЭМБ төрағасы Тигран Бадалян. – Оларға беретін ең құнды сыйлығымыз - біздің шексіз махаббатымыз, ақ көңіліміз бен қамқорлығымыз. Ал аналар үшін балалардың бақытынан, бейбіт өмірден асқан арман жоқ!  

Пресс-служба КГУ «Қоғамдық келісім» акимата Костанайской области»

Кейін қарай