Қазақстан халқы Ассамблеясы

04 Қараша, 2021

65

Қарағанды Достық үйіне Литвадан ғалымдар делегациясы келді

Қарағанды Достық үйінде Литвадан келген ғалымдар делегациясымен «Шығыстағы Литва ұлыстары және олардың ұқсастығы; Заволжье және Қазақстан» жобасы аясында кездесу өтті.

Кездесу мақсаты – Қарағанды облысындағы ғалымдармен, «LITUANIKA» литва қауымдастығы өкілдерімен, профессорлармен кездесу, Спасск мемориалды кешеніне гүл шоқтарын қою,сондай-ақ, Долинка кентіндегі мұражайды аралау.


Делегация құрамында осы жоба координаторы, профессор, гуманитарлық ғылым докторы Лорта Виликене, профессор, гуманитарлық ғылым докторы Витис Чубринскас (Ұлы Витаутас университеті, Каунас), профессор, әлеуметтік ғылымдар докторы Йоланта Кузнецовене (Ұлы Витаутас университеті, Каунас), Ғылыми қызметкер Ирена Шутинене (Әлеуметтік зерттеулер орталығы, Вильнос) бар.

Достық үйіндегі кездесуде делегация өкілдері ҚХА мүшесі, ҚХА ғылыми-сараптама тобының төрағасы, профессор Вилен-Молотов-Лучанскиймен, ҚХА мүшесі, Қарағанды облысы әкімі аппаратының этносаралық қатынастар саласындағы қоғамдық келісім жөніндегі бас инспекторы Гүлфайруз Рымбековамен, Қарағанды облысы ішкі саясат басқармасының «Қоғамдық келісім» КММ директоры Әйгерім Исбековамен әңгіме өрбітті. Вилен Борисович облыс көлемінде жетпістен аса этномәдени бірлестіктер бар екенін, олардың әрқайсысы қаламыздың саяси және экономикалық өміріне атсалысып келе жатқанын, сондай-ақ, еріктілер қозғалысы, қоғамдық келісім кеңестері, жастар ұйымдары, медиаторлар, облыстық Ассамблея құрылымдары бір мақсатқа жұмылдырылғанын айтты.

Өз кезегінде Қазақстандағы Литва Республикасының Құрметті консулы, «LITUANIKA» литва қауымдастығының төрағасы Виталий Тварионас елдегі бірлік пен тұтастықты сақтап тұрған, барлық ұлыс өкіліне қазақ халқының тарихын зерделеуге мүмкіндік беретін Елбасының «Рухани жаңғыру» бағдарламасы жайлы айтып өтті.

Кейін қарай