Қазақстан халқы Ассамблеясы

25 Тамыз, 2021

163

Қарағандыда Кәріпбек Күйіковтің көрмесі өтіп жатыр

Қарағанды қаласының Достық үйінде облыстық ішкі саясат басқармасының Қоғамдық келісім КММ ұйымдастыруымен Семей полигонының жабылуына 30 жыл толуына арналған қоғам қайраткері, халықаралық «Атом» жобасының Құрметті елшісі, суретші Күйіков Кәріпбек Телтайұлының сурет көрмесі ашылды.


Қарағандылық суретші Кәріпбек Күйіков Қазақстандағы антиядролық ұстанымын насихаттап, бүкіл әлемге ерекше талантымен танылған тұлға. Ол Қарағанды облысындағы Семей ядролық полигонынан зардап шеккен Егіндібұлақ ауылында дүниеге келді.

Бұған дейін оның көрмелері Жапонияда, АҚШ, Германия, Түркия, Қытай және Қазақстанда ұйымдастырылды. Кәріпбек Күйіковтің көркем туындыларының басты тақырыбы ядролық қарудың адамзатқа келтірер қатерімен байланысты.
Көрме 25 тамыздан 2 қыркүйекке дейін жалғасады. Эпидахуалға байланысты көрмені онлайн форматта, яғни, облыстық ҚХА әлеуметтік желілерінен тамашалауға болады.


Кейін қарай