2015 жылғы 1 қыркүйекте сағат 15.50-де «Байқоңыр» ғарыш айлағында Қазақстан Республикасы Премьер-Министрінің орынбасары Бердібек Сапарбаев, Қызылорда облысының әкімі Қырымбек Көшербаев, Қазақстан халқы Ассамблеясы Төрағасының орынбасары – Қазақстан Республикасы Президенті Әкімшілігінің хатшылық меңгерушісі Ералы Тоғжанов және тұңғыш ғарышкер Тоқтар Әубәкіров қазақстандық ғарышкер Айдын Айымбетовпен және «СОЮЗ ТМА-18М» ғарыш кемесінің экипаж мүшелерімен кездесіп, жерлесімізге сәт-сапар тіледі.

2015 жылғы 1 қыркүйекте сағат 15.50-де «Байқоңыр» ғарыш айлағында Қазақстан Республикасы Премьер-Министрінің орынбасары Бердібек Сапарбаев, Қызылорда облысының әкімі Қырымбек Көшербаев, Қазақстан халқы Ассамблеясы Төрағасының орынбасары – Қазақстан Республикасы Президенті Әкімшілігінің хатшылық меңгерушісі Ералы Тоғжанов және тұңғыш ғарышкер Тоқтар Әубәкіров қазақстандық ғарышкер Айдын Айымбетовпен және «СОЮЗ ТМА-18М» ғарыш кемесінің экипаж мүшелерімен кездесіп, жерлесімізге сәт-сапар тіледі.

Вице-премьер Б.Сапарбаев ғарышкерге ҚР Президенті - Елбасы Н.Ә.Назарбаевтың сәлемін жеткізді.

«Маған осындай үлкен сенім артқандарыңызға алғыс білдіремін және сенімдеріңізді ақтауға бар күш-жігерімді саламын. Қазақ елінің ғарыш саласындағы жетістіктері үшін қуаныштымын. Менің ойымша, бұл сапар отандық ғылымға үлкен серпіліс береді. Оның одан әрі дамуына үлес қосуға тырысамын», - деді А.Айымбетов.

Ғарышкерге Қазақстан Республикасының Туы, «ЭКСПО-2017» халықаралық көрмесінің Жалауы және Қазақстан халқы Ассамблеясының Туы табыс етілді.

Айдын Айымбетов ресейлік ғарышкер Волков пен даниялық ғарышкер Могенсенмен бірге екінші борт инженер ретінде 2 қыркүйек күні сағат 10.30-да ғарышқа ұшты.

Қазақстандық ғарышкердің ғарышқа аттану салтанатты сәтіне Қазақстан халқы Ассамблеясының мүшелері, мемлекеттік органдар қызметкерлері, этномәдени бірлестік төрағалары және жастар ұйымдарының өкілдері қатысты.

Кейін қарай