Атырау қаласы «Қоғамдық келісім» КММ-нің ұйымдастыруымен ҚР Тәуелсіздігінің 30 жылдығы аясында «Тұңғыш Президент жолымен. Көп мәдениетті аймақ жағдайында азаматтық бірегейлікті қалыптастыру технологиясы» тақырыбында облыстық ғылыми-практикалық конференция өтті.

Конференция жұмысына этномәдени бірлестік өкілдері, ҚХА-ның ардагерлері, ҒСТ мүшелері, ғылыми қоғамдастықтың, атқарушы органдардың, үкіметтік емес бірлестіктердің өкілдері мен бір топ жастар және Атырау облысының БАҚ өкілдері қатысты.

Аталмыш шараны Х.Досмұхамедов атындағы университеттің жастар саясаты департаментінің жетекші маманы, магистр, облыстық ҚХА ғылыми-сараптама тобының мүшесі А. Имандосов жүргізіп отырды. Қазақстанның саяси көшбасшысы, Елбасы Н.Назарбаевтың жүріп өткен сара жолы туралы мазмұнды тарихи тың деректер келтірген Х.Б. Табылдиев атындағы Каспий маңы аймағының тарих, археология және этнология ғылыми-зерттеу институтының директоры, тарих ғылымдарының докторы, профессор
С.Сапанов, ҚХА ардагерлері В.Стамов, Х.Джамалетдинов, ҚР Құрметті журналисі, Қазақстан журналистер одағының мүшесі Л.Монастырская, Орыс, славян, казактар бірлестігі қауымдастығының Атырау облыстық филиалының төрағасы В. Заверткин өз баяндамаларында Тұңғыш Президенттің Тәуелсіздік жылдарындағы тарихи еңбегі туралы, елді әлеуметтік-саяси жаңғыртудағы рөлін, халықтың мызғымас бірлігін бейнелейтін құндылықтарын, жас буын өкілдеріне үлгі-өнеге болатын даналығы мен кемеңгерлігін айтып, талқылау жасады.

Шара барысында жарыссөзге қатысқан «Светоч» славян этномәдени бірлестігінің жетекшісі Р.Биткова мен «Жаңғыру жолы» ЖҚ-ның төраға орынбасары Б.Шевченко да ел бірлігін нығайту жолындағы Елбасының көреген идеялары туралы ойларымен бөлісті. Әсіресе, Елбасының жастарды қолдауда олардың биік мақсаттарға жету жолдарын ерекше атап өтті.

Конференцияны қорытындылаған «Қоғамдық келісім» КММ басшысы Ж.Ілиясова ҚХА-ның 4 базалық жобасының бірі – «Қазақстандық азаматтық бірегейлікті қалыптастыру» аясында өткізілген іс-шараның маңыздылығы зор екенін айта келіп, этносаралық және конфессияаралық мемлекеттік биліктің тиімді моделінің негізін қалаған Н.Назарбаев тұлғасы – өз халқына қалтқысыз қызмет етудің жарқын мысалы, патриотизмнің үлгісі болмақ деп ой түйді.

Кейін қарай