Қасиетті Рамазан айы­ның қарсаңында Оңтүстік Қазақстан облыстық  Қазақстан халқы Ассамблеясы Арыс қаласында орналасқан Т.Тəжібаев атындағы отбасы үлгісіндегі балалар ауылында «Үлкен ел – үлкен отбасы» жалпыұлттық жобасы аясында  «Біз біргеміз!» атты қайырымдылық акциясын ұйымдастырды. Іс-шараға Сайрам аудандық өзбек этномәдени бірлестігі мен «Алтын адам» тігін фабрикасы демеушілік етті.

Балаларға көңілді мереке сыйлауды мақсат тұтқан бұл іс-шарада кәсіби футболшылар шеберлік сабағын өткізсе, психологтар балалардың өмірге  деген көзқарасын жақсарту  мақсатында  түрлі  ойындар ұйымдастырды. Ал, облыс әкімі аппаратының «Қоғамдық келісім» мекемесінің ұжымы  балаларға мол дастархан жайып, ұлттық тағамдардан дәм татқызды.  Бүгінде Арыс қаласындағы Т.Тəжібаев атындағы отбасы үлгісіндегі балалар ауылында 6 жастан 16 жасқа дейінгі  72 бала 7 топта тәрбиеленеді.

Облыстық ассамблея  хатшылығы  мен «Қоғамдық келісім» мекемесі «Бәйтерек» тобындағы 9 баланы өз қамқорлығына  алды. 

Кейін қарай