19 мамыр күні Тобыл ауылында «Достық қайнары» атты аудандық бірінші балалар фестивалі өтті, оған Таран ауданының ауылдық округтерінен 3-11 жас аралығындағы 120 бала келіп қатысты.

Фестиваль Таран ауданы Қазақстан халқы Ассамблеясының Қоғамдық келісім кеңесі төрағасы,  «Балдырған» балабақшасының директоры Ирина Сероустың ықыласы бойынша ұйымдастырылды.  

Іс-шараға  облыстық Қазақстан халқы Ассамблеясы хатшылығының меңгерушісі Г.Ж.Құдайқұлова, ОҚХА облыстық Қоғамдық келісім кеңесінің төрағасы Р.Г.Гайсенова, «Қостанай облысы әкімдігінің «Қоғамдық келісім» КММ бөлім басшысы Р.Н. Завгородняя, Таран ауданы мемлекеттік органдарының өкілдері, этномәдени бірлестіктер өкілдері, жергілікті тұрғындар, ақсақалдар қатысты.

Фестивальге түрлі этнос орталықтарының – қазақ, орыс, украйн, белорус, неміс, кавказ қауымдарыгың балалары қатысты. Олар түрлі костюмде дефиле көрсетті. Сондай-ақ кішкентай әртістер өз этносының тілдерінде би билеп, достық туралы өлеңдер оқып және ән айтып берді.

Мәдениет үйінің залы толы болды және балалардың сахнадағы қойылымдары ду қол шапалақтаумен өтіп жатты. Фестиваль соңында Қазақстанның көп ұлтты халқының достығы туралы өлең айтылды. Бейбітшілік және достықта тұрып жатқан 100-ден астам этнос үшін ортақ үйді бейнелейтін шаңырақты жоғары көтеру рәсімі өтті.  

Барлық қатысушыларға демеушілердің атынан жұмсақ ойыншықтар және тәтті сыйлықтары табыс етілді.  

Осындай фестиваль өңірде бірінші рет өткізілді және оның өсіп келе жатқан ұрпақ үшін үлкен тәрбиелік маңызы бар. Сондай-ақ Тобылдағы «Балдырған» балабақшасы базасында  шағын Ассамблея құруға шешім қабылданды.

«Қостанай облысы әкімдігінің «Қоғамдық келісім» КММ баспасөз-қызметі

Кейін қарай