20 Сәуір, 2022
1434
Этнос жастары сурет салу байқауында отаншылдық пен бірлікті дәріптеді
Бүгін Түркістан қаласында этнос жастары арасында патриотизм, бірлік пен келісімді насихаттау мақсатында «Туған елім – Қазақстаным» атты ұлттық образ бейнелері бойынша сурет салу байқауы ұйымдастырылды.
Аталған байқау облыстық қоғамдық даму басқармасы «Қоғамдық келісім» КММ-сінің ұйытқы болуымен және Түркістан жоғары көпсалалы, қолөнер колледжінің қолдауымен өткізілді. Байқауда 15-ке жуық жас бақ сынады.
Ашылу салтанатында сөз алған Түркістан облысы қоғамдық даму басқармасы «Қоғамдық келісім» КММ басшысының орынбасары Ерназар Баетов және Түркістан жоғары көпсалалы, қолөнер колледжінің директоры Айдос Абпазов қоғамдағы этносаралық татулық пен бірліктің маңыздылығына тоқталып, сайысқа қатысушыларға сәттілік тіледі.
– Мемлекет басшысы Қасым-Жомарт Тоқаев 2021 жылғы 21 қазанда Қазақстан халқы Ассамблеясы кеңесінің отырысында этносаралық қатынастар саласындағы мемлекеттік саясатты жетілдіру жөніндегі шаралар туралы тапсырмалар берген болатын. Осы тапсырма аясында және «Балалар жылы» шеңберінде білім беру ұйымдарында патриотизмге, бірлік пен келісімге үндейтін ұлттық образдардың үздік көрнекі графикалық бейнелерін анықтау бойынша конкурс ұйымдастырылып жатыр. Бұл шараның жастарға беретін пайдасы жоғары деп есептеймін. Себебі, байқау жас ұрпақты тарихи-мәдени және рухани құндылықтарды бағалауға, жас суретшілердің кәсіби шеберлігін арттыруға, олардың ой-өрісін кеңейтуге бағытталған, - деді Е. Баетов.
Сайыс барысында жас суретшілер өнерлерін жан-жақты паш етуге тырысты. Олар ұлттық салт-дәстүр мен бірлікті, сыйластықты бейнелейтін суреттерді қағаз бетіне түсірді. Жастардың туындыларын Түркістан жоғары көпсалалы, қолөнер колледжінің бөлім меңгерушісі Кулжан Омарбаева бастаған қазылар алқасы бағалады.
Байқау қорытындысы бойынша қазылар алқасының шешімімен І орынға Назым Әбдіманап лайық деп танылды. II орынды Севинич Рахимова мен Насиба Каримова, ал ІІІ орынды Барчинай Зуриева, Мадина Пернебай және Нұрай Қуандық иеленді.
Байқау соңында жүлдегерлер мен жарысқа белсене қатысқан жас суретшілер арнайы марапатталды. Оларға Түркістан облысы қоғамдық даму басқармасы «Қоғамдық келісім» КММ басшысы Э. Жанғазиеваның Алғыс хаты табыс етілді.
Ұқсас жаңалықтар
-
«Ассамблея жастары» белсенділері «Қоғамдық келісім» КММ қызметкерлеріне ұлттық ойындарды үйретті
-
Ассамблея жастары ұлттық ойындардан сайысқа түсті
-
«Музей мейірімді жүрекпен» атты қайырымдылық әлеуметтік акциясы өтті
-
Республикалық Достық үйінде Алғыс айту күніне арналған «Арайлы Атамекенім» тақырыбында ҚХА ЭМБ жастарының интерактивті кездесуі өтті
-
«Ассамблея жастары» РҚБ төрағасы Тимур Джумурбаевтың Астана қаласының мектеп және студенттер парламенттерінің президенттерімен кездесуі өтті
-
Марат Әзілханов ұйғыр ЭМБ жастарымен кездесті
19 Сәуір, 21:38
Қазақстан Республикасының «Дустлик» өзбек этномәдени бірлестіктерінің қауымдастығы Петропавл қаласына гуманитарлық көмек жіберді
14 Сәуір, 17:46
АСТАНАДАН ТӘЖІКТЕРДІҢ РЕСПУБЛИКАЛЫҚ ЭТНОМӘДЕНИ БИЗНЕСМЕНДЕРІ 25 МЛН.ТЕҢГЕГЕ ГУМАНИТАРЛЫҚ КӨМЕК ЖІБЕРДІ
15 Сәуір, 23:06
«БАРБАНГ» КҮРДТЕР ҚАУЫМДАСТЫҒЫ АТБАСАР ҚАЛАСЫНА ГУМАНИТАРЛЫҚ КӨМЕК ЖІБЕРДІ
Ұқсас жаңалықтар
-
«Ассамблея жастары» белсенділері «Қоғамдық келісім» КММ қызметкерлеріне ұлттық ойындарды үйретті
-
Ассамблея жастары ұлттық ойындардан сайысқа түсті
-
«Музей мейірімді жүрекпен» атты қайырымдылық әлеуметтік акциясы өтті
-
Республикалық Достық үйінде Алғыс айту күніне арналған «Арайлы Атамекенім» тақырыбында ҚХА ЭМБ жастарының интерактивті кездесуі өтті
-
«Ассамблея жастары» РҚБ төрағасы Тимур Джумурбаевтың Астана қаласының мектеп және студенттер парламенттерінің президенттерімен кездесуі өтті
-
Марат Әзілханов ұйғыр ЭМБ жастарымен кездесті