Қазақстан халқы Ассамблеясы

18 Тамыз, 2021

402

«Індеттен құтылудың ең дұрыс жолы ­– вакцина салдыру»


«Әлеуметтік желілерде тараған жалған ақпаратқа сенудің қажеті жоқ»

Бүкіл әлемді қыспаққа алған Covid-19 біздің мемлекетті де айналып өткен жоқ. Мемлекеттің байлығы – халқы, ал халықтың байлығы – денсаулық. Әрбір қазақстандық өзін және ұрпағының денсаулығын ойлауға тиісті.

Әлеуметтік желілерде «вакцина алғандардың болашағы бұлыңғыр, оларға келетін қауіп бар» деген сияқты өсек-аян тарап жүр. Бұл вакцинаға қарсы ұйымдастырылған жұмыстардың бірі деп білемін. Өзім және жолдасым алғашқылардың бірі болып, сәуір айында вакцина алдық. Соның арқасында әйелім ауырғанмен, бір жетінің ішінде аяқтан тұрып кетті. Ал жұрттың айтқандарына сеніп, вакцина алудан қашқан көршілеріміз сырқаттанып, әлі толық жазыла алмай жүр.

Вакцина алуды тездеткеніміз жөн. Келешекте біз вирус тасымалдаушыға айналмауымыз керек. Мемлекет ешқашан өз халқына жамандық ойламайды. Осыны естен шығармаған дұрыс!

Икрам Хашимжанов,

Қазақстан Республикасының «Дустлик» өзбек ЭБҚ төрағасы


«Індеттен құтылудың ең дұрыс жолы ­– вакцина салдыру»

Әлемнің дамыған, озық елдері бұл үрдісті әлдеқашан бастап кетті. Біздің Елбасымыз Нұрсұлтан Назарбаев пен Президентіміз Қасым-Жомарт Тоқаев та егілудің маңыздылығы жайында өте орынды сөздер айтқан болатын. Бұл мәселеге бей-жай қарамай, бүкіл ел болып, егілген дұрыс деп ойлаймын. Мен өзім былтыр ауырып шығып, денемде антиденелер қалыптасқанмен, биыл қосымша егілдім. Қазір мен басқаратын «Металлпром» ұжымы, отбасы мүшелерім, бәріміз егілдік. Мемлекетіміз тегін ұсынып отырған вакциналарды алсақ, бұл індетті жеңіп шығатынымызға сенемін.

Абдухалил Долкунтай,

Алматы қаласының Қазақстан ұйғырларының

республикалық этномәдени орталығы филиалының

төрағасының орынбасары


«Бұл дауасыз дертті тек вакцинамен ғана тоқтатамыз»

Осы мәселені ендігі жерде тал­қы­­лаудың өзі артық. Адам­зат­тың коронавирусты зерт­тей бастағанына 1,5 жылдан енді асса да, генетикалық құ­ры­­лымы, шифрі құпияларының жұм­бағы енді анықталды. Қалай күре­су­ге, алдын алуға бола­тыны да бел­гілі. Обыр ісігі немесе АИТВ вирусымен салыс­тыр­ған­­да, коронавирустың өмір­шең емес­тігі, оның адам ағза­сына қо­нақ­тайтын уақыты шама­мен 3 апта екені де ғылыми негіз­де жүйеленіп, халықаралық ғы­лыми ынтымақтастықтың, үлкен қаржылық және адами ре­сурс­тар­дың нәтижесінде өн­ді­ріс­тік айналымға жіберілді.

Бізде вакцинаның тиімділігі мен қауіпсіздігі туралы ғылыми және клиникалық деректер жет­кілікті. Ауырған және вак­ци­на­­ның толық курсынан өткен адамдар КВИ-ге қарсы ең жақ­сы иммундық қорғанысқа ие екендігі айтылып жатыр. Ақпан айында жаппай вакцина басталған кезде медицина қызметкерлері вакцинаға алаңдаушылық біл­дірді. Кейін­нен көп елдерде жанама әсер болмағанын көрді. Қазір адам­дардың сенімі пайда болды. Бұл ел арасында алыпқашпа қауесеттен туған негізсіз әңгіме­лерге нүкте қоюы тиіс еді. Бірақ олай болмай тұр. Індеттің алғашқы кезеңдерінде инфекция егде адамдарға аса қауіпті деген пікір басым еді. Қазір коронавирус күн өткен сайын жасарып барады.Тіпті бесіктегі бөбектерден де дерт белгісі табылғаны – қауіптің басы. Дертті вакцина ғана тоқтата алатыны, бұдан басқа жол жоқ екенін түсінетін кез жетті.

Абайдулла Жапаров,

Алматы қаласының Қазақстан ұйғырларының республикалық

этномәдени орталығы филиалының төрағасы

Кейін қарай