Спорт күні Қазақстан Республикасы Президенті Нұрсұлтан Назарбаевтың 2003 жылғы  15 қарашадағы Жарлығына сәйкес тамыз айының үшінші жексенбісінде тойланады.

Маңғыстау облысы әкімі аппаратының «Қоғамдық келісім» КММ-сі және Ақтау қалалық дене шынықтыру және спорт бөлімі бірлесіп, Қазақстан халқы Ассамблеясының «Жас қанат» жастар ұйымының қатысуымен Қазақстан Республикасы Тәуелсіздігінің 25 жылдығы аясында спорт күні мерекесіне арнап, 20 тамыз күні облысымыздың өзге ұлт жастары арасындағы «Көңілді мәре» спорттық жарысы өткізілді.

Жиналған жастар үш командаға бөлінді. Бірінші команда «Қазақстан халқы Ассамблеясы» атымен сайысқа шықты, екіншісі – «Жас қанат», үшіншісі – «Самур» лезгин ЭМБ деп аталды. 

Командалар түрлі спорттық ойындарында жарысты: секіргішпен секіру,  жылдамдыққа жүгіру, арқан тарту, үстел теннисі және т.б.

Осындай іс-шаралар болашақ ұрпақты ынтымақтастыққа, достыққа, төзімділікке, бір командада жұмыс жасап білуге үйретеді.

Іс-шара соңында Маңғыстау облысы әкімі аппаратының «Қоғамдық келісім» КММ-сінің басшысы Джайлханова Амангүл Әбдіғалиқызы қатысушыларды мерекемен құттықтап, оларға командалық бірлікті тек қана спортттық жарыстарда емес, өмірде де сақтай білуді тіледі. Сондай-ақ, белсенді жастарды мадақтамалар және сыйлықтармен марапатталды, сонымен қатар іс-шараның жоғары деңгейде өтуіне атсалысқан  Ақтау қалалық дене шынықтыру және спорт бөлімінің белсенді мамандарына алғыс хаттарын табыс етті.

Шығармашылық топтар қатысушыларға жақсы көңіл күй сыйлап, іс-шараны концерттік бағдарламамен аяқтады.

МОӘА «Қоғамдық келісім» КММ баспасөз қызметі

Кейін қарай