8 наурыз – Халықаралық әйелдер күні қарсаңында Салтанат сарайында Батыс Қазақстан облысының әкімі Алтай Көлгінов әртүрлі салада қызмет етіп жүрген белсенді әйелдерді қошаметтеді. Олар – БҚО қоғамдық келісім кеңестерінің, БҚО ҚХА аналар кеңесінің төрағалары мен мүшелері, соғыс ардагерлері, мәдениет, білім беру, денсаулық сақтау қызметкерлері.

«Бүгінгі көктемнің шуақты күні тамаша мереке – Халықаралық әйелдер күні қарсаңында Сіздерің қамқорлықтарыңыз бен махаббаттарыңыз үшін біз алғысымызды айту үшін шақырып отырмыз. Бұл тамаша мереке әйелдердің қоғам өміріндегі баға жетпес рөлін тағы да атап өтуге мүмкіндік береді. Биліктің атқарушы және өкілді органдарында басшылық лауазым атқаратын әйелдер саны жыл сайын өсіп келеді. Бүгінгі күні облысымызда 134 басшы

әйел, "Алтын алқамен" және "Күміс алқамен", 1 және 2 дәрежедегі «Ана даңқы» ордендерімен марапатталған, «Батыр ана» атағы бар 8 мың көп балалы әйел бар. Н.Ә.Назарбаев отбасы институтын нығайту, гендерлік теңдік, әйелдерді экономикалық және саяси ілгерілету мәселелеріне ерекше мән береді. 2016 жылы ҚР Президентінің Жарлығымен ҚР Отбасылық және гендерлік саясатының 2030 жылға дейінгі тұжырымдамасы бекітілді», - деп атап өтті өз сөзінде А.С.Көлгінов.

Облыс басшысының әйелдермен ықыласты кездесуі біздің қоғамымыздағы әйелдер мәртебесін тағы да бір сатыға көтеріп, аналардың, жұбайлардың, қыздардың рөлі және олардың біздің өңірдің әлеуметтік дамуына қосып жатқан үлестерін жоғары бағалады. Ал тамаша құттықтаулар, гүлдер, ескерткіш сыйлықтар мен филармония әртістерінің қойған тамаша концерті әйелдердің көңіл-күйлерін көтеріп, шексіз алғыс білдірді.

Кейін қарай