2016 жылғы 18 қаңтарда Алматыдағы Республикалық Достық үйінде Қазақстан Республикасының Мемлекеттік хатшысы Гүлшара Әбдіқалықова Мемлекет басшысының тапсырмасы бойынша еліміздің көрнекті мәдениет және өнер қайраткерлеріне 2015 жыл үшін президенттік және мемлекеттік стипендияларды табыс етті. 

Стипендиялар жасампаз еңбектерімен Қазақстан мәдениетін байытып, сақтау мен дамытуға үлес қосқаны үшін Қазақстан Республикасының құрметті атақтары мен мемлекеттік наградаларына ие болған шығармашылық адамдары мен мәдениет қызметкерлерін, сондай-ақ дарынды жастарды мемлекеттік қолдау мақсатында жыл сайын тапсырылып тұрады. 

Отандық мәдениетті дамытуға қосқан елеулі еңбектері үшін әдебиет пен өнер саласының 100 қайраткеріне материалдық  қолдау көрсетілді. Стипендиаттардың ішінде О.Сүлейменов, М.Жолдасбеков, С.Досанов, Е.Хасанғалиев, Б.Төлегенова, В.Толоконников, А.Әшімов, Ю.Померанцев, Ш.Мұртаза, Ә.Тарази, А.Молодов сияқты атақты тұлғалар  бар. Солармен бірге Ж.Мақажанова, С.Мәдиев, Ә.Ахметов, К.Омаров, Е.Рысқали сияқты жас дарындардың еңбектері де бағаланып отыр. 

Стипендиаттардың қатарында Қазақстан халқы Ассамблеясының елімізге танымал Н. Лушникова, С. Елубаев, Ә. Ахметов сияқты өкілдері бар.

Қазақстан халқы Ассамблеясы шығармашылық еңбектері лайықты бағасын алған степендиаттарды шын жүректен құттықтайды. Әрдайым ел алдында жүретін зиялы қауым өкілдерінің «100 нақты қадам» Ұлт жоспарын іске асыруға, Қазақстан Республикасы Тәуелсіздігінің 25 жылдығы аясында өткізілетін мерейтойлық іс-шараларға  да белсене қатысатынына сенім мол. 

Кейін қарай