2016 жылғы 29 ақпанда Төлеби ауданы, 1 мамыр елдімекенінде орналасқан №2 балалар үйінде 1 наурыз – Алғыс айту күніне орай Оңтүстік Қазақстан облыстық Қазақстан халқы Ассамблеясының ұйымдастыруымен бірқатар облыстық этномәдени бірлестіктер «Мың алғыс!» қайырымдылық акциясын өткізді.

Азаматтық татулықтың, қоғамдық келісімнің, қазақстандық бірегейлік пен бірліктің нығаюының, «Мәңгілік Ел» жалпыұлттық патриоттық идеясы құндылықтарының және халықтың жалпыұлттық игілігі ретінде жаңақазақстандық патриотизмнің принциптерін бекіту мақсатында ұйымдастырылған іс-шара барысында балалар үйіне теледидар, ондағы 81 тәрбиеленушіге спорттық аяқкиімдер тапсырылды.

«Республикамыздың тәуелсіздігінің 25 жылдығында тұңғыш аталып өтетін  қайырымдылықты, ынтымақтастықты және өзара көмек көрсетуді қолдау күні мерекесі қарсаңында қайырымдылық жасап, осында тәрбиеленуші балаларға мейірімділік танытып, қуантуды жөн көрдік», - деді облыстық түрік этномәдени бірлестігінің төрағасы Л.Асанов.

Қайырымдылық іс-шарасы концерттік бағдарламаға ұласып, соңынан дастархан жайылып, ас берілді.

Кейін қарай