Бүгін «Қоғамдық келісім» РММ директоры Ғ.Құсманғали Үкіметтік емес ұйымдар өкілдерімен кездесті. Кездесу барысында «Қоғамдық келісім» Республикалық мемлекеттік мекемесінің жобалары таныстырылып, Қазақстан Халқы Ассамблеясының қызметі аясында өтіп жатқан маңызды шаралар талқыланды. Соның ішінде «Аналар кеңесі», «Медиация кеңесі», «Бірлік лагері» сынды жобалар сөз болды.

Жиналыс ашық диалог форматында ұйымдастырылып, үкіметтік емес ұйымдардың өкілдері өз ұсыныстарымен бөлісті, қазіргі қоғам үшін өзекті идеяларға тоқталып өтті. Ортақ жұмысты жемісті жүзеге асыру мүмкіндіктері жөнінде пікірталасты.

Кездесу соңында «Қоғамдық келісім» РММ басшылығы этносаралық келісім мен татулықты нығайтуға бағытталған барлық идеялар мен ұсыныстарға ашық екендігін жеткізді. Жиынға қатысушылар өзара ақпарат алмасып, жаңа жобалар бастау мақсатында келесі жиналысты «идеялар жәрмеңкесі» форматында ұйымдастыру жөнінде келісімге келді.

Кейін қарай