Жамбыл облысы әкімі аппаратының «Қоғамдық келісім» КММ-і «Нұр Отан» партиясы облыстық филиалымен бірлесіп, этносаралық келісім мен тұрақтылықты сақтау мақсатында «Этномәдени медиация» тақырыбында семинар-тренинг өткізді.

Семинар-тренинг жұмысының басты мақсаты этномәдени медиацияның теориялық негіздерін оқыту және таныстыру, оның принциптері мен қолдану салаларын одан әрі нығайту, ұлтаралық келісім мен қоғамдағы тұрақтылықты сақтау болып табылады.

Семинарға облыстық Қазақстан халқы ассамблеясы мүшелері, «Нұр Отан» партиясы облыстық филиалының қызметкерлері, этномәдени бірлестіктердің өкілдері, Аналар кеңесі мен Ақсақалдар кеңесінің мүшелері, «Ақ желкен» жастар лигасының белсенді мүшелері, медиаторлар, сарапшылар және бұқаралық ақпарат құралдарының өкілдері қатысты.

Жамбыл облысы әкімі аппаратының «Қоғамдық келісім» КММ басшысының міндетін атқарушы Л.Лысова, ҚХА жанындағы медиаторлармен жұмыс бойынша менеджері В.Досыбиева және партияның облыстық филиалы саяси жұмыс бөлімінің меңгерушісі А.Келімбетова семинар барысында сөз сөйлеп, негізі мақсаты мен міндеті туралы ой бөлісті.

«Этномәдени медиация» тақырыбында өткен семинар-тренингті «Forpost» еркін журналистиканы қорғау ордені» қоғамдық қорының президенті Э.Пак жүргізді.

«Нұр Отан» партиясы мен Қазақстан халқы Ассамблея – Мемлекет басшысы арқа сүйеген  екі күшті қанат. Жолдауды іске асыру, ауқымды мәселеледі шешу, халықаралық келісімді нығайтуға ықпал ету – мұның бәрі де тап осы қоғамдық институттардың міндеттері, - деп атап өтті ҚХА, ақсақалдар кеңесінің мүшесі, өзбек этномәдени бірлестігі басшысының орынбасары Зайнуддинов Абдрахман.  Сонымен қатар Қазақстан халқы ассамблеясының қоғамдағы рөлі туралы облыстық «Ахыска» түрік этномәдени бірлестігінің төрағасы Дуниядар Абдуллаев айтып өтті.

Аталмыш іс-шара барысында семинарға қатысушылар өз ой-пікірлермен алмасып, біраз мәселелерді талқылады.

Жамбыл облысы әкімі аппаратының

«Қоғамдық келісім» КММ баспасөз-қызметі.

Кейін қарай