Қазақстан халқы Ассамблеясы

06 Мамыр, 2021

37

Петропавлда этно-фьюжи конкурсының қорытындысы шығарылды

Петропавл қаласының Достық үйінде «Кухня без границ» этно-фьюжн конкурсына қорытынды жасалды. Конкурсқа этномәдени бірлестіктердің өкілдері қатысты.


«Қазақстанның орыс қауымы» қоғамдық бірлестігі Солтүстік Қазақстан облыстық филиалының (жерлестік) төрайымы Н.Ф. Рудикова Запорожье казактарының тарихы және өмірімен байланысты дәстүрлі «Казак галушкасын» әзірледі.

«Дуслык» Солтүстік Қазақстан облыстық татар-башқұрт қоғамдық мәдени орталығы қазылар алқасы мен қонақтардың назарына Татарстан мен Башқұртстанның аспаздық символы - «Чак-чак» ұсынды. Р. Рамазанованың айтуынша, мерекеге қатысушылар татар және башқұрт чак-чак арасындағы айырмашылықтар жайында білді.

«Радзіма» Солтүстік Қазақстан облыстық белорус мәдени орталығы «Hangug Qazaqstan» қоғамдық бірлестігімен дуэтте болып, «Пакче янкогы баранчык» тағамымен таң қалдырды. Оның ерекшелігі белорус және корей тағамдарының үйлесімінде болды.

Конкурсқа қатысушылар орыс, украин, корей, белорус және татар тілдерінде өз тағамдарын шығармашылық тұрғыдан таныстырды.

Қазылар алқасының шешімі бойынша бірінші орынды «Дуслык» татар-башқұрт қоғамдық орталығы иеленді, екінші орынға «Радзіма» белорус мәдени орталығы және «Hangug Qazaqstan» ҚБ ие болды. Үшінші орынды «Қазақстанның орыс қауымы» ҚБ және «Солтүстік Қазақстан облысының украин мәдени орталығы» ҚБ бөлісті.

Конкурс жеңімпаздары дипломдармен және сыйлықтармен марапатталды. Конкурс тағамдардың дәмін татып, шай ішумен аяқталды.


Кейін қарай