Елбасы Н.Ә.Назарбаевтың «Болашаққа бағдар: рухани жаңғыру» мақаласын насихаттау мақсатында Батыс Қазақстан облысы Қазақстан халқы Ассамблеясының қолдауымен «Рухани жаңғыру» жобасы аясында 2017 жылғы 3 шілде күні Орал қаласындағы Ассамблея үйінде жазушы-публицист, әдеби сыншы Амангелді Кеншілікұлы Мырзабекпен кездесу ұйымдастырылды.

Аталмыш іс-шара ҚХА хатшылығының меңгерушісі - Ғайса Хамедоллаұлы Қапақовтың төрағалығымен өтті. Кездесуге Қазақстанның еңбек сіңірген қайраткері, Халықаралық әдеби сыйлықтың иегері, «Жайықтың ақ шағаласы» атанған ақын-жазушы Ақұштап Бақтыгерейқызы Бақтыгереева, жазушылар одағының мүшелері, зиялы қауым өкілдері, ғалымдар, ұстаздар, Ассамблея жанындағы қоғамдық келісім, ақсақалдар және аналар кеңестерінің төрағалары, этномәдени бірлестіктердің басшылары мен мүшелері қатысты.

Іс-шара барысында Амангелді Мырзабек және ақын-жазушы Ақұштап Бақтыгереева тақырыпқа байланысты сөз сөйлеп, өзекті мәселелерді қозғап, рухани жаңғыру тақырыбы аясында бірқатар маңызды ақпараттар берді.

Кейін қарай